Təhlükəsizlik kameralarının quraşdırılma prosesi
Təhlükəsizlik kameraları istər yaşayış evi, istərsə də ticarət obyekti olsun, istənilən əmlakın təhlükəsizliyini qorumaq üçün ən etibarlı vasitədir.
Bu kameralar sizə əmlakınıza 24/7 nəzarət etmək imkanı verməklə təhlükəsiz həyat imkanı yarada bilər.
Bəs kameraların üstünlüklərindən istifadə etmək üçün kameranı necə quraşdırmaq lazımdır? Gəlin, kamera quraşdırılma prosesi ilə tanış olaq.
Kamera üçün düzgün yeri planlaşdırın və seçin
Kameraları quraşdırmağa başlamazdan əvvəl kamera üçün ən yaxşı və etibarlı yeri müəyyənləşdirməlisiniz.
Kameranın yeri nəzarət etmək istədiyiniz sahələrdən və istifadə etdiyiniz kamera növündən asılı olacaq. Yeri müəyyən etdikdən sonra naqilləri və enerji mənbəyini planlaşdırmalısınız.
Kameranın yerini daha çox əhatəni göstərəcəyi, qarşısını maneələrin kəsməcəyi yerdən seçmək daha uyğundur.
Kameranı quraşdırın
Kameranı quraşdırmağa hazır olduğunuzda, öncə kamera bəndlərini divara və ya tavana quraşdırın.
Daha sonra kameranı onun bəndinə yerləşdirib, ora bərkidin. Bərkiddikdən sonra kameranın hansı bucağı göstərməyini istəysinizsə, həmin bucağa sabitləyin.
Kamera naqillərini birləşdirin
Əgər simli kameralardan istifadə edirsinizsə, naqilləri kameraya və enerji mənbəyinə qoşmalısınız. Simsiz kameralar üçün onları evinizin və ya istifadə edəcəyiniz istənilən məkanın Wi-Fi şəbəkəsinə qoşmalısınız.
Kameranın düzgün işləməsi üçün naqilləri düzgün quraşdırmağınız vacibdir. Naqilləri düzgün quraşdırmaq üçün təlimat vərəqindən istifadə edə bilərsiniz.
Kameranı sınaqdan keçirin
Kameralar quraşdırıldıqdan və qoşulduqdan sonra onların düzgün işlədiyinə əmin olmaq üçün kameranı sınaqdan keçirməlisiniz.
Kameranın bucağını, görüntü keyfiyyətini və hərəkətliliyini yoxlamaq bura aiddir.
Əgər kamerada problem varsa, istifadəçi təlimatına və yaxud da kamera mütəxəssisinə müraciət edə bilərsiniz.
Görüntüyə nəzarət etməyə başlayın
Bütün prosrs bitdikdən sonra təhlükəsizlik kameranızdan görüntüləri izləməyə başlaya bilərsiniz.
Görüntülərə uzaqdan daxil olmaq üçün kompüter və ya telefona ehtiyacınız olacaq. Müxtəlik tətbiqlər vasitəsilə kamera görüntülərini izləyə və ya istədiyiniz tarixdə baş verən hadisələri kameranın yaddaşından tapa bilərsiniz.
