Traktor alarkən nələrə diqqət yetirmək lazımdır

Traktor hər bir fermer və ya torpaq sahibi üçün sahəsinə etdiyi vacib investisiyalardandır.
Tarla şumlamaq, qar təmizləmək və ya ağır yükləri daşımaq lazımdırsa, traktor bu işləri daha asan və səmərəli etməkdə ən yaxşı vasitədir.
Traktorlar səmərəli nəqliyyat vasitələri olsa da, yanlış traktor seçimi iş prosesində istədiyiniz nəticəni verməyə və pul itkisinə səbəb ola bilər.
Bu səbəbdən də traktor seçiminizə kömək etmək üçün fikir verməli olduğunuz məqamları sizin üçün aşağıda qeyd edirik.
At gücü
Traktor alarkən nəzərə alınmalı olan ən vacib məqamlardan biri onun at gücüdür.
Lazım olan at gücünün miqdarı traktorla yerinə yetirməyi planlaşdırdığınız işlərdən asılıdır.
Məsələn, əgər siz traktordan tarlaların şumlanması kimi ağır vəzifələr üçün istifadə etməyi planlaşdırırsınızsa, yüksək at gücündə olan traktor almalısınız. Əgər sadəcə qazon biçmək kimi yüngül vəzifələr üçün istifadə etməyə traktor axtarırsınızsa, aşağı at güclü traktor işinizi görəcək.
Ölçü
Traktorun ölçüsü də ən az at gücü qədər əsas amildir.
Kiçik bir torpaq sahəsiniz varsa, daha kiçik traktor sizin üçün daha uyğun olacaq, lakin daha böyük sahələr sizdən böyük traktor da tələb edəcəkdir.
Saxlama və daşıma ilə əlaqədar olaraq traktorun ölçüsünü də nəzərə almalısınız. Traktorunuzu saxlamaq üçün kifayət qədər yeriniz olduğundan və onu təhlükəsiz şəkildə istifadə edəcəyinizdən əmin olun. Əgər rahat istifadə edə bilməyəcəksinizsə, təhlükəsizliyinizə əsas götürüb balaca traktor ala bilərsiniz.
Transmissiya
Traktorlarda mexaniki və ya avtomatik transmissiya ola bilər.
Mexaniki transmissiyalı traktora qulluq etmək daha sərfəli və sadədir, avtomatik transmissiyalı traktordan istifadə etmək daha asandır və daha səmərəlidir.
Transmissiya seçərkən şəxsi seçiminizi və görəcəyiniz iş növünü nəzərə alıb, ona uyğun seçim edin.
Təkərlər
Traktorunuzdakı təkərlərin növü tarladakı hərəkətinə təsir edən amildir.
Traktoru yumşaq yerdə işlədəcəksinizsə, daha çox dartma qabiliyyəti olan və daha geniş təkərlərə sahib traktor alın.
Əksinə, daha sərt səthlərdə işlədəcəksinizsə, daha dar və balaca təkərli traktora ehtiyacınız var.
Təkər seçimində dartma və davamlılığa təsir edəcəyi üçün onun protektorunun növünü də nəzərə almalısınız.
Yanacaq
Traktorlar dizel, benzin və hətta propanla işləyə bilər.
• Dizel traktorlar daha səmərəli və daha çox gücə malikdir, lakin onlara qulluq etmək daha bahalıdır.
• Benzinli traktorlar daha sərfəli qiymətə malikdir və daha az texniki xidmət tələb edir, lakin dizel traktorları qədər səmərəli deyil.
• Propan traktorları günün ən məşhur olan traktorlarıdır, çünki propan dizel və benzindən daha ucuzdur və ekologiyanı daha az çirkləndirir.
Brend
Traktor seçərkən keyfiyyət və etibarlılıq baxımından yaxşı reputasiyaya malik olan nüfuzlu brendi seçin.
Güclü diler şəbəkəsi və yaxşı müştəri dəstəyi olan bir marka axtarın, çünki bu, markalara aid ehtiyat hissələri və servis xidmətləri digər markalara nisbətən daha çoxdur.
Qiymət
Traktorların qiymətləri ölçüsünə, markasına, transmissiyasına və ilinə görə dəyişir.
Lakin yaxşı və keyfiyyətli traktorların qiymətləri bahalıdırlar və uzun müddət istifadə edəcəyiniz üçün traktora çox büdcə ayırmaqdan çəkinməyin. Eyni zamanda bazarda münasib qiymətə də traktorlar olduqca çoxdur
Bununla belə, onu da nəzərə almaq lazımdır ki, daha bahalı traktor ucuzdan daha davamlı və daha uzunömürlüdürlər.
İstədiyiniz qiymətdə və istənilən ehtiyacları qarşılayacaq traktorlar, həmçinin onların qiymətilə bağlı tezbazar.az saytından məlumat ala bilərsiniz.