Yevlaxda da "Sosial mənzillər" olacaq - DÖVLƏT BİNALAR TİKİB, MƏNZİLLƏRİ GÜZƏŞTLƏ SATACAQ

"MİDA" MMC "Yevlax şəhəri, Rəşid Budaqov küçəsi, 1 ünvanında 1,9 ha torpaq sahəsində çoxmənzilli yaşayış binaların tikintisi ilə əlaqədar şəhərsalma əsaslandırılması, tikinti layihəsinin hazırlanması və müəllif nəzarətinin aparılması işlərinin satın alınması" ilə bağlı keçirdiyi tenderi yekunlaşdırıb.
Marja.az xəbər verir ki, qalib şirkət "Global Engineering Managment Company" MMC-dir.
"MİDA" qalib şirkət ilə məbləği 214 min 500 manat olan müqavilə imzalayıb. Müqavilə "Şəhərsalma əsaslandırılması, tikinti layihəsinin hazırlanması və müəllif nəzarətinin aparılması işlərinin satın alınması"nı nəzərdə tutur.
Azərbaycanda çoxmənzilli yaşayış binalarının tikintisinə rəvac vermək, vətəndaşların güzəştlə mənzillər əldə etmələrinə şərait yaratmaq, çoxmənzilli yaşayış binalarının tikintisi üçün ayrılan maliyyə vəsaitlərindən səmərəli istifadə edilməsini təşkil və təmin etmək məqsədilə Mənzil İnşaatı Dövlət Agentliyinin tabeliyində "MİDA" Məhdud Məsuliyyətli Cəmiyyəti yaradılıb.
Azərbaycan Respublikasının Mənzil İnşaatı Dövlət Agentliyinin sərəncamında olan mənzilləri güzəştlə əldə etmək hüququ olan vətəndaşlar ala bilərlər.
Telegram kanalımıza abunə olun @maraaz