"Kubinkada" köhnə evlər sökülür, yerində binalar tikiləcək - 15 BLOKLU 11 BİNA
Yasamalın "Kubinka" adlanan ərazisinin Cəlil Məmmədquluzadə və Zivər bəy Əhmədbəyov küçələrində yaşı 200-dən çox olan köhnə, uçuq, təhlükəli binalar sökülür.
Tezliklə yaşamaq üçün yararsız, istismar müddəti bitən bu binalar yeniləri ilə əvəz olunacaq. Yeni tikililər modern və tam təhlükəsiz hündürmərtəbəli binalar olacaq. Yeni kompleksin tikinti işlərini həyata keçirən "RR Constructions" şirkəti ilə sakinlərin böyük əksəriyyəti arasında artıq müqavilə də imzalanıb. Müqaviləyə uyğun olaraq sakinlər hazırkı yaşayış yerlərini kirayə mənzillərə dəyişiblər.
VTB-də minimal faiz dərəcəsi ilə nağd kredit 10.99%-dən
Sakinlər bu köhnə, yararsız binaların sökülməsini çoxdan gözlədiklərini deyirlər.
"RR Constructions" şirkətinin hüquqşünası Qulam İsmayılzadə deyib ki, "RR Constructions" köhnə tikililəri sökərək yerində müasir tələblərə uyğun binalar ucaldır: "Ərazidə 15 bloklu 11 bina inşa ediləcək. Premium klass mənzillərin olması nəzərdə tutulub. Binalar 3 liftlə təmin olunacaq. Bundan başqa, ərazidə 2500 ağacın əkilməsi də nəzərdə tutulub. Həmçinin, park, idman meydançaları və uşaqlar üçün əyləncə meydançaları olacaq".
/ marja.az
