Türkiyədə ev alan Azərbaycan vətəndaşları azalıb

2023-cü ilin Avqust ayında Azərbaycan vətəndaşları Türkiyədə 75 ev alıblar.
Marja.az bu barədə Türkiyə Statistika Xidmətinə istinadən xəbər verir.
Azərbaycan vətəndaşları ötən ilin avqustunda Türkiyədə 106 ev almışdılar.
2023-cü ilin 8 ayı ərzində (yanvar-avqust) Azərbaycan vətəndaşları Türkiyədə 544 ev alıblar. Bu say ötən ilin 8 ayında 873 idi. 
Türkiyədə ən çox ev satışı Rusiya vətəndaşlarına edilib. Avqust ayında Rusiya Federasiyası vətəndaşları Türkiyədən 733 ev alıblar. Rusiya vətəndaşlarının ardınca 342 ev alışı ilə İran, 220 ev alışı ilə İraq və 141 ev alışı ilə Qazaxıstan vətəndaşları gəlir.
Avqust ayında əcnəbilərə 3 min 58 ev satılıb. Əcnəbilərə ev satışı avqust ayında əvvəlki ilin eyni ayına görə 42,0% azalaraq 3 min 58-ə düşüb. Avqust ayında xaricilərə mənzil satışının ümumi mənzil satışlarında payı 2,5% təşkil edib. Xaricilərə mənzil satışında 1066 ev satışı ilə İstanbul birinci yerdədir. İstanbulun ardınca 919 ev satışı ilə Antalya və 248 ev satışı ilə Mersin gəlir.
Türkiyədə əcnəbilərə mənzil satışı yanvar-avqust dövründə əvvəlki ilin eyni dövrü ilə müqayisədə 43,6% azalaraq 25 min 134-ə geriləyib.