Toyota ilk 6 ayda qlobal satışlarını 5,1 faiz artırıb

Açıqlanan rəsmi rəqəmlərə görə, Toyota 2023-cü ilin ilk 6 ayında keçən ilin eyni dövrü ilə müqayisədə 5,1% daha çox və ya 4 milyon 937 min ədəd avtomobil satıb.
Marja xəbər verir ki, Toyota-nın Yaponiyadakı satışları 33 faiz artaraq 878 min ədəd olub. Amerikada 1,2 milyon ədəddən çox satışa nail olan Toyota, Asiyada da təxminən 1,5 milyon ədəd avtomobil satıb. Avropada da satışlarını artıran Toyota bu dövrdə 570 min ədəddən çox avtomobil satışına nail olub.
Hibrid avtomobillərə qlobal maraq artmaqda davam edib - əvvəlki ilin eyni dövrü ilə müqayisədə ilk 6 ayda 20 faiz artaraq 1,6 milyon ədədə çatıb. Digər tərəfdən Toyota-nın hibrid, plug-in hibrid və tamamilə elektrikli vasitələrdən ibarət nəqliyyat vasitələrinin satışı 23% artaraq 1 milyon 710 min ədədi keçib.
Çip tədarükü problemlərinin bərpa tendensiyasına verdiyi töhfə ilə qlobal istehsal da yüksək tələbatla artıb. Əvvəlki ilə nisbətən 12% artımla 4,9 milyon ədədə yaxın avtomobil istehsal edilib. Bunun 3,2 milyonu Yaponiyadan kənarda, 1,6 milyondan çoxu isə Yaponiyada istehsal olunub. / marja.az