Bakıda Çin avtomobilləri festivalı keçirilir - FOTOLAR
Bakıda 10 artıq Çin brendinin iştirak etdiyi Çin Avtomobilləri festivalı açılıb.
Marja.az-ın məlumatına görə, "Park Bulvar" ticarət və əyləncə mərkəzində keçirilən festivalın təşkilatçısı Azərbaycan Avtomobil Dilerləri Assosiasiyasıdır (AADA).
AADA İdarə Heyətinin sədri Natiq Zərbəliyev bildirib ki, bu festival iri bir layihənin başlanğıcıdır. Son zamanlar Azərbaycanın avtomobil bazarında Çin markalarının sayının və satışlarının artması nəzərə alınaraq, məhz bu ölkədən başlamaq qərara alınıb. İkinci səbəb isə bu ölkənin avtomobilləri ətrafında formalaşmış köhnə stereotip fikirləri alt-üst etməkdir. Yaxın aylarda isə Britaniya, Almaniya, Amerika, Yaponiya, Cənubi Koreya və İtaliya avtomobil istehsalçılarının məhsullarını nümayiş etdirmək üçün bu sayaq festivallar keçiriləcək.
Festivalda Hongqi H5, Maple X3 Pro, MG 4 EV LUX, Chery Tiggo 7 Pro e+, Haval Jolion Hybrid, Jetour Dashing, BAİC X55 II, Skywell ET 5, KAİYİ X3 Pro, Leapmotor C11 və Sinotruk VGV U70 modelləri nümayiş olunur.
Nümayiş olunan avtomobillər hibrid və ya tam elektrik modellərdir.
Festivalda avtomobillər ilə əyani tanış ola, texniki xüsusiyyələri, qiymətləri və digər məlumatları ala bilərsiniz.
Son model Çin avtomobilləri zəng təchizatı, buna qarşı münasib qiymətləri ilə önə çıxırlar. Bütünü dünyada olduğu kimi Azərbaycanda da Çin avtomobillərinin bazar payı sürətlə artır.
Festival sabah da davam edəcək.
