"MİDA" Cəbrayılda yaşayış binalarını tikəcək şirkətləri müəyyən etməyə başladı

Azərbaycan Respublikasının Mənzil İnşaatı Dövlət Agentliyinin tabeliyində "MİDA" MMC Cəbrayıl şəhərində də çoxmənzilli yaşayış binaları tikəcək.
Marja xəbər verir ki, binalar  7,87 ha torpaq sahəsində inşa olunacaqdır. 
Yaşayış binalarının tikintisi ilə əlaqədar tender elan edilib. 
Tender 2 lot üzrə keçirilir:
Lot-5 - 23, 24, 25, 26, 27, 28 və 29 nömrəli çoxmənzilli yaşayış binalarının tikintisi,
Lot-6 - 30, 31, 32 və 33 nömrəli çoxmənzilli yaşayış binalarının tikintisi.
Xəbər verdiyimiz ki, "MİDA" MMC "Cəbrayıl şəhərində 7,87 ha ərazinin şaquli planlaşdırılması" xidmətinin satın alınması ilə bağlı tenderi yekunlaşdırıb. Tenderin qalib "Ricon" MMC şirkətidir. "MİDA" MMC qalib şirkət ilə məbləği 248 min 592 manat olan müqavilə imzalayıb.
Ölkədə çoxmənzilli yaşayış binalarının tikintisinə rəvac vermək, Respublika vətəndaşlarının güzəştlə mənzillər əldə etmələrinə şərait yaratmaq, çoxmənzilli yaşayış binalarının tikintisi üçün ayrılan maliyyə vəsaitlərindən səmərəli istifadə edilməsini təşkil və təmin etmək məqsədilə Mənzil İnşaatı Dövlət Agentliyinin tabeliyində "MİDA" Məhdud Məsuliyyətli Cəmiyyəti yaradılıb. / marja.az