Azərbaycanın tikinti şirkəti 2 milyon manata yaxın zərər açıqladı

Azərbaycanın tikinti sektorunda fəaliyyət göstərən "Conco" QSC 2022-ci ili 1 milyon 934 min manat xalis zərər ilə başa vurub. Şirkət 2021-ci ili 2 milyon 616 min manat xalis zərər ilə bağlamışdı. Beləliklə, ötən il "Conco" QSC-nin xalis zərəri 681 min manat və ya 26% azalıb.
Marja.az Şirkətin 2022-ci il dekabrın 31-nə maliyyə vəziyyəti haqqında hesabatıma istinadən xəbər verir ki, 2021-ci ildə "Conco" QSC-nin əsas əməliyyat gəliri 18 milyon 114 min manat ikən, 2022-ci ildə 21 milyon 85 min manata yüksəlib ( 2 milyon 971 min manat və ya 16,4% artıb). 
Satışın maya dəyəri və inzibati xərclər yüksək olduğundan "Conco" QSC zərər edir. Şirkətdə satışın maya dəyəri satış gəlirlərinə bərabərdir. 
"CONCO" QSC bütün növ binaların tikintisi (kommersiya və yaşayış binaları), neft, qaz və sənaye müəssisələrin tikintisi, infastruktur, artizan quyularının qazılması, isitmə, soyutma və havalandırma sistemlərinin quraşdırılması üzrə xidmətlər göstərir. 
"CONCO" QSC Mənzil İnşaatı Dövlət Agentliyinin (MİDA) layihələrində iştirak edir, yaşayış binaları tikir.  
31 dekabr 2022-ci il tarixində "CONCO" QSC  10 milyon 345 min 568 manat cəmi aktivlərə malik olub. Şirkət 2021-ci ilin sonunda  8 milyon 437 min 351 manat cəmi aktivlərə malik idi.