"Azəraqrartikinti" şirkətinin gəlirləri və xalis mənfəəti kəskin artıb

"Azəraqrartikinti" ASC 2022-ci ili 6 milyon 88 min manat xalis mənfəət ilə başa vurub. ASC 2021-ci ili 2 milyon 596 min manat xalis mənfəət ilə bağlamışdı. Beləliklə, "Azəraqrartikinti" şirkətinin xalis mənfəəti 2022-ci ildə 2021-ci illə müqayisədə 3 milyon 492 min manat və ya 134% (2,3 dəfə) artıb. 
Marja.az şirkətin maliyyə hesabatlarına istinadən xəbər verir ki, "Azəraqrartikinti"nin əsas əməliyyat gəlirləri 2022-ci ildə 2021-ci illə müqayisədə 14 milyon 9 min manat və ya 51,3% artaraq 41 milyon 29 min manat təşkil edib. 2021-ci ildə tikinti şirkətinin əsas əməliyyat gəlirləri 27 milyon 286 min manat olmuşdu.
VTB-də minimal faiz dərəcəsi ilə nağd kredit 10.99%-dən
31 dekabr 2022-ci il tarixində "Azəraqrartikinti" şirkəti 52 milyon 232 min manat cəmi aktivlərə malik olub. Şirkət 2021-ci ilin sonunda 64 milyon 765 min manat cəmi aktivlərə malik idi. Cəmi aktivlərin azalması pul vəsaitlərinin 23 milyon 235 min manatdan 8 milyon 784 min manata geriləməsi ilə əlaqədardır.