Parket

İstər yeni ev tikəsiniz, istərsə də köhnə mənzilinizi yeniləsəniz, parket seçimi işin əsas hissələrindən biridir. Əgər siz də keyfiyyətli, münasib qiymətə və geniş çeşiddə parket axtarırsınızsa, TEZBAZAR.AZ bu işin əhlidir. Bildiyimiz kimi, parket əsasən ağacdan hazırlanan döşəmə örtüyü növüdür. Örtük xüsusi olaraq döşəmə üçün nəzərdə tutulmuş kiçik taxta plitələrdən ibarətdir.
Bu yazımızda parket dünyasını daha yaxından araşdıracağıq.

Parket növləri və xüsusiyyətləri

Estetik görünüş, rahatlıq və uzunömürlülük baxımından parket döşəmələr hər zaman populyar seçim olub. Fərqli büdcələrə və zövqlərə uyğun müxtəlif parket növləri mövcuddur.

Laminat parket

Laminat parket günümüzdə ən geniş yayılmış döşəmə növlərindəndir. Bu parket növü həm münasib qiymətə, həm də cəlbedici xarici görünüşə malikdir. Rəng və naxış baxımından geniş seçim imkanı təqdim edən laminat parket, quraşdırma və təmizləmə baxımından da çox rahatdır. Onun əsas üstünlüklərindən biri suya və toza qarşı müəyyən dərəcədə dözümlü olmasıdır. Bu da gündəlik istifadə üçün onu etibarlı hala gətirir. Müasir interyerdə sadəlik və funksionallığı bir arada axtaranlar üçün laminat parket olduqca sərfəli bir seçimdir.

Taxta parket

Taxta parket təbiiliyə və klassik gözəlliyə dəyər verənlər üçün əvəzolunmaz seçimdir. Real ağacdan hazırlanmış bu parket növü illərlə davamlılığını qoruyur və zaman keçdikcə daha da gözəl bir görünüş qazanır. Onun səthi xüsusi işləmə prosesi ilə hazırlanır. Bununla birlikdə, parketə həm güclü dayanıqlıq, həm də yüksək estetik dəyər verir. Qiymət baxımından laminatla müqayisədə daha yüksək olsa da, taxta parketin təqdim etdiyi keyfiyyət və təbii görüntü bu sərfiyyatı tamamilə əsaslandırır. Klassik üslubda və ya təbii elementlərə əsaslanan interyer dizaynlarında mükəmməl uyğunluq yaradır.

Vinil parket

Vinil parket son illərdə xüsusilə nəm mühitlər üçün mükəmməl həll kimi tanınır. Suya və nəmişliyə qarşı yüksək davamlılığı ilə seçilən bu parket növü, mətbəx, hamam və giriş hissələri kimi sahələrdə daha çox üstünlük qazanır. Onun səthi həm yumşaq, həm də səssizdir, bu isə ayaq altında rahatlıq və sakitlik hissi yaradır. Vinil parket həm də dizayn baxımından çox zəngindi. Ağac teksturasından tutmuş, daş və mərmərə bənzər naxışlara qədər geniş seçim imkanı yer almaqdadır. Bu xüsusiyyətləri ilə vinil parket həm funksional, həm də estetik baxımdan müasir tələblərə tam cavab verir.

Treddə olan parket seçimləri

Son dövrlərdə parket alıcılarının seçiminə təsir edən əsas faktorlar arasında həm dizayn trendi, həm də istifadə rahatlığı yer alır. Skandinaviya tərzi laminat parketlər sadə, açıq rəng tonları və minimalist görünüşü ilə xüsusilə müasir interyerlərdə geniş şəkildə istifadə olunur. Bu modellər həm işıqlı məkanlarda daha ferah bir görüntü yaradır, həm də təmiz və səliqəli atmosfer hissi verir. Digər tərəfdən, tünd rəngli vinil parketlər klassik zövqlərə sahib olan və eyni zamanda suya davamlılıq axtaran alıcıların diqqətini çəkir. Qaranlıq tonlar məkanlara dərinlik və zəriflik qatdığı üçün tez-tez mətbəx, dəhliz və hətta ofis interyerlərində üstünlük verilir.
Rustik taxta parketlər isə təbiiliyi, yaşlı ağac teksturasını və unikal naxışları ilə seçilir. Bu modellər retro və ya kənd üslubunda interyerlərdə əvəzolunmazdır. Təbii rəng keçidləri və qeyri-bərabər səthləri sayəsində parketlər hər bir məkanı daha isti və orijinal göstərir. Hazırda trenddə olan parket modelləri arasında boz-bej tonlarda vinil örtüklər, "balıksırtı" naxışlı laminatlar və geniş planka formalı ağac parketlər həm interyer dizaynerləri, həm də alıcılar tərəfindən xüsusi maraqla qarşılanır. Bu modellər sadəcə estetik deyil, həm də dözümlü və uzunömürlü olmaları ilə də seçilir.

Qiymətlər və satış şərtləri

İstər tələbə otağı üçün sadə və praktik bir laminat, istərsə də geniş villalar üçün yüksək keyfiyyətli təbii taxta parket seçimləry TEZBAZAR.AZ-da bir aradadır. Fərqli büdcələrə və zövqlərə uyğun modellərlə sayt hər kəs üçün əlverişli alternativlər təqdim edir.
Parket qiymətləri TEZBAZAR.AZ-da bazar ortalamasına nisbətən daha münasibdir. Saytda mütəmadi olaraq keçirilən kampaniyalar və endirimlər sayəsində istədiyiniz modeli daha sərfəli qiymətlərlə əldə etmək mümkündür.
Laminat parket 1 m² üçün 9 AZN-dən başlayan qiymətlərlə təqdim olunur. Sadə, praktiki və sərfəli seçimdir. Taxta parket təbii materialdan hazırlandığı üçün qiyməti bir qədər yüksəkdir. 1 m² üçün 25 AZN-dən başlayır. Vinil parket Suya və nəmişliyə davamlı bu model 1 m² üçün 18 AZN və yuxarı qiymətlərlə satışdadır.

Satış şərtləri

Məhsulları TEZBAZAR.AZ saytı üzərindən və ya birbaşa əlaqə vasitəsilə sifariş edə bilərsiniz. Ödəniş nağd, onlayn kartla və ya sifarişin həcminə uyğun olaraq hissəli şəkildə həyata keçirilə bilər. Topdansatış sifarişlərdə əlavə güzəştlər mümkündür. Sifarişlər Bakı və yaxın ərazilərə tez və etibarlı şəkildə çatdırılır. Bölgələrə isə tanınmış kargo şirkətləri vasitəsilə göndəriş olunur. Çatdırılma haqqı sifarişin çəkisi, həcmi və məsafədən asılı olaraq dəyişə bilər. Bəzi kampaniyalar zamanı pulsuz çatdırılma imkanları da təklif edilir.
Məhsulların əksəriyyəti zavod zəmanəti ilə təqdim olunur. Alınan məhsulda qüsur aşkarlandığı təqdirdə, 14 gün ərzində dəyişdirmə və ya geri qaytarma imkanı mövcuddur. Qaytarılan məhsul istifadə olunmamış və orijinal qablaşdırmada olmalıdır.

Kredit imkanları

TEZBAZAR.AZ müştərilərinə parket məhsullarını daha əlçatan etmək üçün rahat kredit imkanları təqdim edir. Artıq istədiyiniz laminat, taxta və ya vinil parketi almaq üçün tam məbləği bir dəfəyə ödəməyə ehtiyac yoxdur. Kreditlə alış sayəsində həm büdcənizi qoruyur, həm də seçiminizi gecikdirmədən həyata keçirə bilirsiniz. Əmək haqqı və ya pensiya kartı olan şəxslər üçün kredit təsdiqlənmə ehtimalı daha yüksəkdir. Müştərinin istəyindən asılı olaraq 3, 6, 9 və ya 12 aylıq ödəniş planları təklif olunur. Bəzi hallarda ilkin ödəniş tələb olunmur və faizsiz kampaniyalar da mövcud olur. Ödəniş məbləği seçilən məhsulun qiymətinə və kredit müddətinə görə dəyişir. Məsələn, 600 AZN dəyərində parket üçün 6 aylıq kredit zamanı aylıq ödəniş təxminən 110–115 AZN civarındadır. Bütün şərtlər şəffaf şəkildə təqdim olunur və əlavə gizli ödənişlər olmur.

Quraşdırma xidməti

Parket seçimi qədər onun düzgün və peşəkar şəkildə quraşdırılması da əhəmiyətlidir. Saytımız bu sahədə müştərilərinə tam xidmət göstərərək, alınan parket məhsullarının yerində peşəkar şəkildə montajını təmin edir. Quraşdırma işləri sahəsində təcrübəli ustalar tərəfindən həyata keçirilir. Belə ki, həm keyfiyyət, həm də operativlik baxımından müştəri məmnuniyyəti əsas götürülür. Quraşdırma qiymətləri seçilən parket növünə əsasən dəyişir. Məsələn, laminat parketlərin quraşdırılması 1 kvadrat metr üçün 3–4 AZN aralığında, vinil parketlərdə bu qiymət 4–5 AZN, təbii taxta parketlərdə isə 7–9 AZN arasındadır. Qiymət fərqləri materialın növü, döşəmə səthinin vəziyyəti və görüləcək işin mürəkkəbliyi ilə əlaqəlidir. Quraşdırma xidmətinə altlıq materialının döşənməsi, parketlərin düzgün yerləşdirilməsi və birləşdirmə işləri daxildir. Əgər sifarişə süpürgəlik, keçid listləri və digər aksesuarlar da daxildirsə və ya qeyri-standart formalarla montaj tələb olunurs vəziyyət dəyişir. Bu zaman əlavə xərc tətbiq oluna bilər.

Parketin üstünlükləri

Otağın ümumi ab-havasını dəyişən, məkana xüsusi ruh qatan parket, həm funksional, həm də vizual baxımdan bir çox üstünlüklərə malikdir. İlk olaraq, parket isti və təbii görünüşü ilə fərqlənir. Ağac teksturası və rəng çalarları məkana isti bir atmosfer qatır. Bu xüsusiyyət onu süni materiallardan fərqləndirən əsas cəhətlərdəndir. Digər tərəfdən, parket keyfiyyətli materialdan hazırlandığı üçün uzunömürlüdür və illərlə forma və görüntüsünü qoruyur. Düzgün quraşdırıldıqda və minimal qulluqla uzun müddət problem yaratmadan istifadə edilə bilər. Parketin üstünlüklərindən biri də onun təmizlənməsinin çox asan olmasıdır. Gündəlik silmə və nəm parça ilə baxım kifayətdir. Bundan əlavə, parket döşəmə səs və istilik izolyasiyası baxımından da üstünlük təşkil edir. Ayaq səslərini azaltmaqla yanaşı, məkanda istiliyi qoruyur və daha komfortlu mühit yaradır.

Parket alarkən nələrə diqqət etməli?

Parket seçimi zamanı məkanın xüsusiyyətlərinə və gündəlik istifadə tərzinə uyğunluğuna diqqət yetirmək vacibdir. İlk növbədə otağın nəm səviyyəsi nəzərə alınmalıdır. Əgər parket döşənəcək sahə mətbəx, dəhliz və ya nəmişlik səviyyəsi yüksək olan başqa bir otaqdırsa, bu zaman suya davamlı materiallara üstünlük verilməlidir. Məsələn, vinil parket yaxşı seçimdir. Taxta parketlər isə quru və sabit temperaturda olan otaqlar üçün daha münasibdir. Növbəti mühüm məqam gündəlik istifadə sıxlığıdır. Əgər parket döşənəcək sahədə çoxlu hərəkət və ayaqaltı gediş-gəliş olacaqsa, aşınmaya qarşı daha dözümlü modellər seçilməlidir. Bu, parketin həm daha uzunömürlü olmasını təmin edəcək, həm də görüntüsünün tez pozulmasının qarşısını alacaq. Parketin rəngi və dizaynı da otağın ümumi dekorasiyası ilə uzlaşmalıdır. Açıq rəngli parketlər daha kiçik və işıqsız otaqları geniş və aydın göstərir, tünd rənglər isə isti və zərif bir atmosfer yaradır. Dizayn baxımından isə skandinaviya, rustik və ya klassik naxışlı modellər arasında seçim edərkən otaqdakı mebel və divar tonlarını da nəzərə almaq vacibdir. Nəhayət, parketin təmizlənməsi və gündəlik baxımı da seçim zamanı diqqət edilməli məqamlar sırasındadır. Laminat və vinil parketlər təmizləmə baxımından daha praktik və asandır, lakin taxta parketlər daha çox qulluq tələb edə bilər.