"Yeni inzibati binanın tikintisinin dayandırılması və layihəsinin dəyişdirilməsi olmamışdır"
"Mərkəzi Bankın yeni inzibati binasının tikintisi heç vaxt dayanmayıb, layihə üzrə inşaat işləri plana əsasən davam etməkdədir".
Marja.az xəbər verir ki, bunu keçirdiyi mətbuat konfransında Mərkəzi Bankın sədri Taleh Kazımov bildirib.
Mərkəzi Bankın sədri əlavə edib ki, layihə üzrə optimallaşdırma işləri aparılıb, amma bu layihə üzrə inşaat işlərinə heç bir təsir etməyib. Hətta layihə üzrə işlər nəzərdə tutulandan daha irəlidədir:
"Bəzi xərclərin layihədə nəzərdə tutulmadığını nəzərə alaraq biz indi həmin xərclərin hesablanmasını aparırıq. Amma layihənin dayandırılması və nəyinsə dəyişdirilməsi olmamışdır. Biz optimallaşdırılma sahəsində podraçı şirkət ilə işlərimizi görümüşük".
Qeyd edək ki, Mərkəzi Bankın yeni inzibati binası Bakıda Heydər Əliyev prospektində tikilir.
