"Xalq Əmlak"ın nizamnamə kapitalı yenidən 40 milyon manat müəyyən edilir
"Xalq Əmlak" Məhdud Məsuliyyətli Cəmmiyyəti nizamnamə kapitalının artırılaraq 40 milyon manat məbləğində müəyyən olunduğunu elan edib.
Marja.az xəbər veri ki, bu, şirkətin 7 dekabr 2022 -ci il tarixində dərc olunuş elanında bildirilir.
Artımdan öncə "Xalq Əmlak" MMC 22 milyon 600 min manat nizamnamə kapitalına malik olub (Reyestrdən sonuncu dəfə 29.11.2022-ci il tarixində çıxarış verilib). Beləliklə, şirkətin kapitalı 17 milyon 400 min manat artırılıb.
Maraqlı burasındadır ki, 24 noyabr 2022-ci il tarixində, "Xalq Əmlak" MMC-nin nizamnamə kapitalının 17,4 milyon manat azaldılaraq 40 milyon manatdan 22,6 milyon manata endirilməsi barədə qərar elan edilmişdi. ""Xalq Əmlak" Məhdud Məsuliyyətli Cəmiyyəti nizamnamə kapitalının 17.400.000 manat məbləğində azaldılaraq 22.600.000 manat məbləğində müəyyən edilməsi barədə qərar qəbul etmişdir",- MMC-nin elanında bildirilirdi.
"Xalq Əmlak" şirkəti 2021-ci ilin Avqust ayında dövlət qeydiyyatına alınıb və yeganə təsisçisi "Xalq Bank"dır.
