"WhatsApp"da yeni funksiya – Səsli mesajları mətnə çevirmək olacaq

"WhatsApp" messencerinə yeni funksiya əlavə ediləcək. Məlumata görə, səsli mesajları mətnə çevirən funksiya tezlikdə bütün istifadəçilər üçün əlçatan olacaq, Banker.az bu barədə "Lenta.ru"ya istinadən xəbər verir.
Səsli mesajları mətnə çevirmək funksiyasının tətbiqi haqqında 2021-ci ilin payızında düşünülmüşdü, lakin naməlum səbəblərdən yeni funksiya üzərində iş dayandırılmışdı.
"WABetaInfo" mütəxəssisləri vurğulayırlar ki, audio mesajlar yalnız cihazda deşifrə edilir və həmsöhbətlərdən başqa heç kim bu məlumatı əldə edə bilməyəcək. Yeni funksiyanın nə vaxt geniş istifadəçilər üçün əlçatan olacağı hələlik məlum deyil.