"Meta" yenilənmiş ağıllı eynəklər təqdim edib – Qiyməti $299
"Meta" şirkəti yenilənmiş ağıllı eynəklər təqdim edib, Banker.az bu barədə VC.ru-ya istinadən xəbər verir. Cihaz "Ray-Ban Meta Smart Glasses" adını alıb və qiyməti 299 dollardır. Onları artıq indidən sifariş etmək mümkündür.
Yenilik 1080p formatında foto və video çəkən 12 meqapiksellik kamera ilə təchiz olunub. İstifadəçi cihazın yaddaşında hər birinin maksimum müddəti 30 saniyə olmaqla 500 video saxlaya bilər.
Eynəklərdə əvvəlki modeldən 50% daha yüksək səsli dinamiklər və beş mikrofon da var. Cihaz "Qualcomm Snapdragon AR1 Gen 1" prosessoru ilə təchiz edilmişdir, avtomom iş müddəti isə 4-6 saatdır.
Xatırladaq ki, "Meta" video çəkmək və qulaqlıq olmadan mahnı dinləmək funksiyalarına malik ilk ağıllı eynəklərini 2021-ci ildə təqdim edib.
