"WhatsApp"a mesajların redaktəsi funksiyası əlavə edilib

"WhatsApp" messencerinə çoxdan gözlənilən funksiya əlavə edilib. Artıq göndərilən mesajları redaktə etmək mümkün olacaq. Hələki yeni funksiya yalnız sınaq versiyada, iOS cihazlarında işləyir. Tezliklə yeniliyin bütün smartfon modellərində əlçatan olacağı gözlənilir.
Banker.az bu barədə xarici mediaya istinadən xəbər verir.
Qeyd olunur ki, redaktə etmək imkanı yalnız mətn mesajlarında, göndərildikdən sonra 15 dəqiqə ərzində mümkün olacaq. Dəyişiklik edilmiş mesajlara "redaktə edilib" yazısı əlavə ediləcək.