Toyota sistem nasazlığından sonra zavodlarının fəaliyyətini bərpa edib
Yaponiyanın avtomobil istehsalçısı "Toyota Motor" sistem nasazlığı ilə əlaqədar istehsalın dayandırıldığı zavodlarının fəaliyyətini bərpa edib.
Marja.az xəbər verir ki, bu barədə şirkətin məlumatında deyilir.
VTB-də minimal faiz dərəcəsi ilə nağd kredit 10.99%-dən
Səhər növbəsindən etibarən 14 zavoddan 12-si adi qaydada işləyir. Fukuoka və Kyoto prefekturalarında olan 2 zavod günün sonuna qədər işini bərpa edəcək.
Avqustun 29-da səhər saatlarında nasazlıq Toyota-nın Yaponiyadakı demək olar ki, bütün istehsal müəssisələrini dayandırıb. Fukuoka prefekturasındakı zavodda yalnız iki xətt və Kiotodakı Daihatsu törəmə zavodunda bir xətt işləməyə davam edib.
Toyota problemin səbəbini araşdırmaqda davam edir. Şirkət bunun kiberhücum nəticəsində baş verdiyinə inanmır. Toyota müştərilərdən və təchizatçılardan üzr istəyib.
2022-ci ilin mart ayında Yaponiyadakı bütün Toyota zavodları hissələrin təchizatçısı Kojima Industries sistemlərinə edilən kiberhücum səbəbindən bağlanmışdı. Sonra bir gün ərzində müəssisələrin işini bərpa etmək mümkün olmuşdu
