Toyota Çexiyada istehsalını bərpa edir
Yaponiyanın avtomobil istehsalçısı Toyota-nın Çexiyanın Kolin şəhərində yanvarın 31-də komponentlərin çatışmazlığı səbəbindən dayanan zavodu bazar ertəsi istehsalı bərpa edib.
Marja xəbər verir ki, bu barədə ČTK xəbər agentliyi məlumat yayıb .
Koronavirus pandemiyası fonunda Çində komponentlərin istehsalının məhdudlaşdırılması nəticəsində yaranan fasilədən müəssisədə texniki xidmət işlərinin aparılması üçün istifadə edilib.
Məcburi fasilələr zamanı avtomobil zavodunun işçiləri müəyyən edilmiş əmək haqqının 80 faizini alırdılar.
Agentliyin məlumatına görə, Toyota zavodunda avtomobillərin istehsalı hələlik məhdud olacaq, çünki komponentlərin tədarükü ilə bağlı müəyyən problemlər qalmaqdadır.
2022-ci ildə 202.000 ədəd Aygo X və Yaris avtomobili istehsal edən Toyota-nın Çexiya zavodunda təxminən 3 600 işçi çalışır. Müəssisə gündə 1 minə yaxın avtomobil istehsal edir. / marja.az
