Toyota 2022-ci ildə dünyanın ən çox avtomobil satan istehsalçısı titulunu qoruyub

Toyota Motor Corp, 2022-ci ildə təxminən 10,5 milyon ədəd (10,483,024) avtomobil sataraq, üçüncü ildir ki, Dünyanın ən çox avtomobil satan istehsalçısı adını qoruyub saxlayıb.
Marja xəbər verir ki, Qrupun yük maşını bölməsi Hino Motors və kiçik avtomobil istehsalçısı Daihatsu da daxil olmaqla qlobal satışları 0,1% azalıb. Belə ki, 8,6 milyon avtomobilin Yaponiya xaricinə rekord satışı (2,3% artıb) onun daxili bazarındakı satışının 9,6% azalmasının böyük hissəsini kopmensasiya edib.
İkinci yerdə olan rəqibi Volkswagen Qrupu Çində COVID-19 məhdudiyyətləri və Ukraynadakı müharibənin tədarük zəncirlərini pozduğu üçün 8,3 milyon ədəd avtomobil olmaqla son on ildə ən aşağı satışını etdiyini bildirib.
Toyota üçün də bəzi çiplə bağlı tədarük məhdudiyyətləri qalmasına baxmayaraq, Yapon avtomobil istehsalçısı Asiyada güclü tələbatın, Asiya və Şimali Amerikada istehsal gücünü və optimallaşdırmanı artması sayəsində 2022-ci ildə qlobal istehsalını 5,3% artıra bilib.
Toyotanın cari maliyyə ili üçün istehsal proqnozu 9,2 milyon ədəddir.
/ marja.az