Tikinti şirkətinin xalis mənfəəti 14 dəfə artıb
"Faktor Qrup-S-1" QSC 2021-ci ili 1 milyon 28 min manat xalis mənfəət ilə başa vurub. Şirkət 2020-ci ili 75 min manat xalis mənfəət ilə bağlamışdı. Beləliklə, "Faktor Qrup-S-1" QSC-nin xalis mənfəəti 2020-ci illə müqayisədə 2021-ci ildə təxminən 14 dəfə artıb.
Marja.az xəbər verir ki, 2021-ci ildə "Faktor Qrup-S-1"in əsas əməliyyat gəlirləri 6 milyon 36 min manat təşkil edib. 2020-ci ildə Şirkətin əsas əməliyyat gəlirləri 1 milyon 160 min manat təşkil etmişdi. "Faktor Qrup-S-1" QSC-nin əsas əməliyyat gəlirləri 2020-ci illə müqayisədə 2021-ci ildə 5,2 dəfə artıb.
İllik 12.99%-dən 40 000 AZN-dək zaminsiz komissiyasız kredit!
31 dekabr 2021-ci il tarixində "Faktor Qrup-S-1" QSC 17 miylon 734 min manat vəmi aktivlərə malik olub (2020 ilin sonunda 11 milyon 801 min manat).
Qeyd edək ki, 2020-ci ildə, "Faktor Qrup-S-1" Qapalı Səhmdar Cəmiyyəti "Faktor Qrup-S" Qapalı Səhmdar Cəmiyyətindən ayrılma nəticəsində yaradılıb. Mənzil İnşaatı Dövlət Agentliyinin tabeliyindəki "MİDA" MMC-nin və Məcburi Köçkünlərin Sosial İnkişaf Fondunun elan etdiyi tenderlərin qalibi olan "Faktor Qrup-S" çoxmənzilli yaşayış kompleksinin tikintisilə məşğul olur.
2 milyon 574 min 640 manat nizamnamə kapitalına malik olan "Faktor Qrup-S-1" QSC-nin qanuni təmsilçisi Quliyev Elvin Aydın oğludur. Şirkətin hüquqi ünvanı Bakı şəhəri, Nizami rayonu, Heydər Əliyev pr, ev 189-dur.
