Tesla-dan rekord istehsal və satış
Tesla-nın istehsalı və tədarükləri 80 faizdən çox artıb
Amerikanın elektrikli avtomobil istehsalçısı Tesla 2023-cü ilin ikinci rübündə istehsalını və tədarükünü illik müqayisədə 80%-dən çox artırıb.
VTB-də minimal faiz dərəcəsi ilə nağd kredit 10.99%-dən
Marja.az xəbər verir ki,üç hesabat ayında Tesla elektrik avtomobillərinin istehsalı 85,5% artaraq 479,7 min ədədə çatıb ki, bu da rüblük müqayisədə 8,8% çoxdur.
Model S və X elektrik avtomobillərinin istehsalı illik müqayisədə (ötən ilin ikini rübü ilə) 18,8% və rüblük müqayisədə (birinci rüb ilə) 0,3% artaraq 19 min 489 ədədə çatıb.
Eyni zamanda, 460 min 211 ədəd Model 3 və Y elektromobilləri istehsal olunub ki, ötən ilin ikinci rübü ilə müqayisədə 90%, birinci rüblə müqayisədə isə 9,2% çoxdur.
İkinci rübdə illik müqayisədə 83% və ilk rüblə müqayisədə 10,2% çox olmaqla 466 min 140 ədəd elektrik avtomobili tədarük edilib (satılıb). Model S və X-in tədarükü illik müqayisədə 19%, rüblük müqayisədə isə 79,8% artaraq 19 min 225 avtomobil təşkil edib. Model 3 və Y-nin tədarükləri illik müqayisədə 87,4% və rüblük müqayisədə 8,4% artaraq 446 min 915 ədəd təşkil edib.
Amerika şirkəti "Tesla Motors" 2003-cü ildə elektrik nəqliyyat vasitələri və onlarla əlaqəli texnologiyaların tərtibatçısı və istehsalçısı kimi təsis edilmişdir. Şirkətin Qərargah Kaliforniyanın Palo Alto şəhərində yerləşir.
XXX
ABŞ-ın iri elektrik avtomobili istehsalçısı Tesla, bu ilin ikinci rübündə 479 min ədəd elektromobil istehsal edib, 466 min 140 ədəd tədarükə nail olub. Bu rəqəmlər şirkətin rüblük istehsal və satışında rekorddur.
Marja xəbər verir ki, elektrik avtomobil satışında rekord qıran şirkət, bunu əvvəlki rüblə müqayisədə 10%, əvvəlki ilə nisbətən isə 83% artırıb.
Teslanın ABŞ, Çin və digər ölkələrdə qiymət endirmə strategiyası onun satışları artırmağa kömək etdiyini göstərib. İkinci rübdə isə qiymət endirimləri şirkətin gəlirliliyinə təsir edib. Tesla, ötən ilin eyni dövrü ilə müqayisədə xalis mənfəətinin 24 faiz azaldığını bildirib.
Tesla-nın rekord avtomobil istehsalının təxminən yarısı, ehtimal ki, Şanxaydakı giga zavodunun hesabınadır. Tesla aprel ayında Çin istehsalı olan 75 min 842, mayda isə 77 min 695 elektrik avtomobili tədarük edib.
Tesla daha bahalı Model S və X elektrik avtomobillərindən daha çox Model 3 və Y elektromobilləri istehsal edib. Ümumilikdə, Tesla 460 min 211 Model 3 və Model Y və 19 min 489 ədəd Model S və Model X istehsal edib.
Elon Musk Tesla-nın rəhbəridir.
