Rusiya aviaşirkəti Bakıya reyslərin sayını artırır

"IrAero" aviaşirkəti avqustun 31-dən etibarən Krasnoyarskdan Bakıya uçuşların sayını ikiyə çatdıracaq.
Şirkətin verdiyi məlumata görə, cümə axşamları Krasnoyarskdan Bakıya əlavə reys işə salınır. Beləliklə, aviaşirkətin təyyarələri cümə axşamları və bazar günləri Azərbaycanın paytaxtına uçacaq.
Cümə axşamı Krasnoyarskdan təyyarələr saat 20:20-də uçacaq və saat 22:10-da Bakıya enəcək. Əks istiqamətdə təyyarə saat 11:30-da uçacaq və Krasnoyarska saat 19:10-da enəcək. Bazar günləri təyyarələr saat 09:10-da uçacaq və Krasnoyarskda saat 16:50-də enəcək. Uçuş və gəliş vaxtları hər yerdə yerli vaxtla göstərilib. / marja.az