"Real-İnşaat" evlərin və obyektlərin tikintisi üzrə daha bir sifariş aldı - 1,5 MİLYON MANATLIQ MÜQAVİLƏ
Dövlət Şəhərsalma və Arxitektura Komitəsi tabeliyində publik hüquqi şəxs statuslu Ərazi Tikinti Planlaşdırma Mərkəzi "Ermənistan Respublikası silahlı qüvvələrinin Azərbaycan Respublikası ərazisinə təcavüzü nəticəsində Tərtər rayonunda dağıdılmış, qəzalı vəziyyətə düşmüş, təmir və bərpaya ehtiyacı olan fərdi yaşayış evləri və qeyri-yaşayış obyektlərinin tikintisi, təmiri və bərpası işlərinin satınalınması" ilə bağlı keçirdiyi daha bir tenderi yekunlaşdırıb.
Marja.az xəbər verir ki, bu dəfə də qalib şirkət "Real-İnşaat" MMC-dir.
Ərazi Tikinti Planlaşdırma Mərkəzi qalib şirkət ilə məbləği 1 milyon 499 min 898 manat olan müqavilə imzalayıb.
İndiyədək "Real-İnşaat" şirkəti 6 tender üzrə, Tərtər rayonunda dağıdılmış, qəzalı vəziyyətə düşmüş, təmir və bərpaya ehtiyacı olan fərdi yaşayış evləri və qeyri-yaşayış obyektlərinin tikintisi, təmiri və bərpası işləri üçün 19 milyon 873 min 403 manatlıq sifarişlər alıb.