Ötən il Azərbaycanın logistika şirkətinin gəlirlərində sıçrayış baş verib
"El Logistics Group" QSC şirkəti 2022-ci ili 1 milyon 392 min manat xalis mənfəət ilə başa vurub.
Marja.az xəbər verir ki, 2021-ci illə müqayisədə 2022-ci ildə "El Logistics Group" şirkətinin xalis mənfəəti 15 dəfədən çox artıb. Şirkət 2021-ci ili 89 min 650 manat xalis mənfəət ilə bağlamışdı.
Şirkətin xalis mənfəətinin kəskin artması gəlirlərinin kəskin artmasından qaynaqlanır. Belə ki, "El Logistics Group" şirkətinin əsas əməliyyat gəlirləri 2021-ci illə müqayisədə 2022-ci ildə 8 dəfə artaraq 29 milyon 15 min manata yüksəlib. Şirkət 2021-ci ildə 3 milyon 647 min manat əsas əməliyyat gəlirləri əldə etmişdi.
"El Logistics Group" şirkəti "Azərbaycan Dəmir Yolları" QSC-nin rəsmi yük agentidir. Şirkət dəmir yolu nəqliyyatı sahəsində xidmətlərin tam spektrini təqdim edir.
