Niva avtomobilləri bahalaşdı
Rusiyanın avtomobil istehsalçısı "AvtoVAZ" bir sıra Lada modellərinin qiymətini orta hesabla 2% artırıb.
Marja xəbər verir ki, şirkət Lada Granta, Lada Vesta və Lada Largus üçün qiymət etiketləri dəyişməyib.
Eyni zamanda, baza Lada Niva Travel-in qiyməti 1,6% artırılaraq 1 014 900 rubla, Lada Niva Legend-ın qiyməti 2,6% artırılaraq 821 900 rubla çatdırılıb.
Lada Niva Travel və Lada Niva Legend üçün maksimum qiymət etiketləri müvafiq olaraq 1,3% və 2,4% artaraq 1 236 900 rubl və 901 900 rubl təşkil edib.
Həmçinin, Lada Granta liftback, Cross və Active drive versiyalarının qiymətləri artırılıb.
Lada modellərinin qiymətlərinin artırılacağını fevralın sonunda AvtoVAZ-ın prezidenti Maksim Sokolov açıqlayıb. O qeyd edib ki, qiymət artımları illik inflyasiyanı (2023-cü ilin martından 2022-ci ilin martına qədər) keçməyəcək. Sokolov aydınlaşdırıb ki, bu, ötən ilin martından bəri qiymət etiketlərində ilk artımdır. / marja.az
