Nəhəng gəminin inşasına dair müqavilə imzalandı

"Azərbaycan Xəzər Dəniz Gəmiçiliyi" QSC (ASCO) ilə Qaradağ Sənaye Parkının rezidenti "Bakı Gəmiqayırma Zavodu" MMC arasında sərnişin, avtomobil və dəmiryolu vaqonları daşıyan Ro-Pax tipli yeni gəminin inşasına dair müqavilə imzalanıb.
İqtisadi Zonaların İnkişafı Agentliyindən Marja-ya verilən məlumata görə, sənədi ASCO-nun İdarə Heyətinin sədri Rauf Vəliyev və "Bakı Gəmiqayırma Zavodu" MMC-nin İdarə Heyətinin sədri Elşad Nuriyev imzalayıb. 
İllik 12.99%-dən 40 000 AZN-dək zaminsiz komissiyasız kredit!
Yeni gəmi-bərə ASCO-nun balansına qəbul edilmiş "Azərbaycan" və "Zərifə Əliyeva" gəmi-bərələri ilə eyni tiplidir. Tikiləcək bu gəmi-bərə ilə 100 sərnişin, 56 vaqon-çən və ya 46 yarımvaqon və ya 50 yarımqoşqulu yük maşını daşımaq mümkün olacaq. 
Gəmi-bərənin ümumi uzunluğu 154.5 metr, eni 17.7 metr, bortunun hündürlüyü isə 7.5 metr təşkil edəcək. Dedveyti (dənizdə) 5740 ton olacaq unikal-gəmi bərə 14 uzellə hərəkət edə biləcək. Gəminin daimi heyəti isə 30 nəfərdən ibarət olacaq.
Qeyd edək ki, 2014-cü ildən bugünə kimi "Azərbaycan Xəzər Dəniz Gəmiçiliyi" QSC (ASCO) tərəfindən "Bakı Gəmiqayırma Zavodu" MMC-də 10 gəminin tikintisi ilə bağlı sifariş yerləşdirilib. Onlardan 9-nun, o cümlədən bir yedək, 3 sərnişin, 2 Ro-Pax tipli gəmi-bərənin və 3 tankerin tikintisi başa çatdırılaraq istismara verilib. / marja.az