Neft ölkəsi Səudiyyə Ərəbistanı ilk elektrik avtomobil markasını - TƏQDİM ETDİ

Neft ölkəsi olan Səudiyyə Ərəbistanı da elektrikli avtomobillərə sərmayə qoyur.  Səudiyyə Ərəbistanı krallığın elektrik enerjisi ilə işləyən avtomobillərin istehsalında ixtisaslaşan ilk avtomobil markası olan "Sir"i (Ceer) təqdim edib.
FED.az xəbər verir ki, bu barədə cümə axşamı krallığın vəliəhd şahzadəsi Məhəmməd bin Salman məlumat verib.
"Səudiyyə Ərəbistanı bu gün təkcə yeni avtomobil markası deyil, həm də tam hüquqlu sənaye yaradır" - şahzadəsi bildirib.
"Bu sənaye xarici sərmayələri cəlb edəcək, krallığın istedadlı vətəndaşları üçün çoxlu iş yerləri yaradacaq. Bu layihə də özəl sektorun inkişafına və növbəti bir neçə il ərzində Səudiyyə Ərəbistanının ÜDM-nin artmasına xidmət edir",- Məhəmməd bin Salman əlavə edib.
"Sir" həm yerli alıcılar üçün, həm də Yaxın Şərqdə satış üçün avtomobillər istehsal edəcək. Layihənin 150 milyon dollar həcmində xarici investisiya cəlb edəcəyi, 30 minə yaxın iş yerinin açılacağı və 2034-cü ilə qədər onun gəlirliliyinin 8 milyard dollar olacağı gözlənilir.
Sir, Səudiyyə Ərəbistanının Suveren Fondu və Tayvanın elektronika istehsalçısı Foxconn arasında birgə müəssisədir. Elektrik avtomobilləri yalnız krallıqda istehsal olunacaq.  
Səudiyyə istehsalı olan ilk elektrik avtomobilləri 2025-ci ildə satışa çıxarılacaq.
Ceer adlı yeni şirkət BMW-nin texnologiyasından istifadə edəcək. Apple-ın iPhone-larını istehsal edən Tayvan nəhəngi Foxconn şirkəti avtomobillərin elektrik tərəfini inkişaf etdirəcək.
Elektrikli nəqliyyat vasitələrinə keçid insanların çoxunun gözlədiyindən daha sürətli baş verir. Hətta neft şirkətləri də bu işə qarışır. Məsələn, BP və Shell elektrik avtomobillərinin enerji doldurulması üzrə infrastruktura sərmayə qoyurlar. (Marja)