"MİDA" üçün Sumqayıt və Füzulidə binaları tikəcək şirkətlər məlum oldu - 21,6 MİLYON MANATLIQ SİFARİŞLƏR
Azərbaycan Respublikasının Mənzil İnşaatı Dövlət Agentliyinin tabeliyində "MİDA" MMC "Sumqayıt şəhəri, M.Hüseynzadə adına şəhər stadionunun şimal-şərqində 2,0 ha torpaq sahəsində 1 nömrəli 15 mərtəbəli 1 bloklu yaşayış binasının və 14 nömrəli 2 mərtəbəli uşaq bağçasının tikintisi" ilə bağlı tenderi yekunlaşdırıb.
Marja.az xəbər verir ki, tenderdə qalib "Yar İnşaat Təmir Tikinti" MMC - "Araz İnşaatçı" MMC konsosiumudur.
İllik 13.99%-dən 40 000 AZN-dək zaminsiz komissiyasız kredit!
"MİDA" MMC konsorsium ilə məbləği 7 milyon 432 min 784 manat olan müqavilə imzalayıb.
Bundan başqa, "MİDA" MMC "Füzuli şəhərində 8,90 ha torpaq sahəsində 19, 20, 21, 22, 23 və 24 nömrəli çoxmənzilli yaşayış binalarının tikintisi" ilə bağlı keçirdiyi tenderi yekunlaşdırıb. Bu tenderdə qalib "El-Seym İnşaat" QSC - "SNT İnşaat Şirkəti" konsorsiumudur. "MİDA"konsorsium ilə məbləği 14 milyon 209 min 151 manat olan müqavilə imzalayıb.
"MİDA" MMC-nin iki konsorsium ilə imzaladığı müqavilələrin cəmi məbləği 21 milyon 641 min 935 manatdır.
Həmçinin, "MİDA" MMC "Şirvan şəhəri, Naxçıvan küçəsində yerləşən 8,11 ha torpaq sahəsində ərazinin şəhərsalma əsaslandırılması, tikinti layihəsinin (mühəndis-geoloji işlər, məhəllənin memarlıq həlli və yaşayış evləri, sosial obyektlər, ətraf mühitin təsirinin qiymətləndirilməsi, mühəndis-kommunikasiya təminatı sistemi (qaz, istilik, rabitə, elektrik, su və kanalizasiya təminatı vasitələri və qurğuları) və sair) hazırlanması və müəllif nəzarəti işlərinin satın alınması" ilə bağlı tenderi yekunlaşdırıb. Tenderin qalibi olan "Kapitel" MMC şirkəti ilə məbləği 582 min 287 manat olan müqavilə imzalanıb.
Qeyd edək ki, Füzuli şəhərində 8,90 ha torpaq sahəsində 1, 2, 3, 4, 5 və 6 nömrəli çoxmənzilli yaşayış binalarının tikintisini də Avqustda imzalanmış 14 milyon 436 min manatlıq müqaviləyə əsasən "El-Seym İnşaat" QSC - "SNT İnşaat Şirkəti" konsorsiumu həyata keçirir.
Füzuli şəhərində 8,90 ha torpaq sahəsində 7, 8, 9, 10, 11 və 12 nömrəli çoxmənzilli yaşayış binalarının tikintisini, sentyabr ayında imzalanmış 13 milyon 956 min manat məbləğində müqaviləyə əsasən, "Merkuri-İnşaat" MMC - "Araz İnşaatçı" MMC konsorsiumu reallaşdırır.
Füzuli şəhərində 8,90 ha torpaq sahəsində 13, 14, 15, 16, 17 və 18 nömrəli çoxmənzilli yaşayış binalarının tikintisini isə 11 milyon 632 min manat məbləğində olan müqaviləyə əsasən (oktyabr ayının sonunda imzlanıb) "T.T.Ş İnşaat" MMC həyata keçirir.
