MİDA-nın xalis mənfəəti 5 dəfədən çox artıb
Azərbaycan Respublikası Mənzil İnşaatı Dövlət Agentliyi (MİDA) 2022-ci ili 8 milyon 173 min manat xalis mənfəət ilə başa vurub. Fond 2021-ci ili 1 miylon 509 min manat xalis zərər ilə bağlamışdı. Beləliklə, ötən il Agentliyin xalis mənfəəti 5,4 dəfə artıb.
Marja.az xəbər verir ki, Mənzil İnşaatı Dövlət Agentliyinin maliyyə gəliləri 2021-ci ildə 10 milyon 176 min manat ikən, 2022-ci ildə 10 milyon 849 min manata yüksəlib.
VTB-də minimal faiz dərəcəsi ilə nağd kredit 10.99%-dən
2021-ci ildə dövlərdən 2,1 milyon manat yardım almış Agentlik, ötən il dövlətdən yardım almayıb.
Bu il yanvarın 1-nə MİDA-nın aktivləri 536 milyon 713 min manat olub ki, bu da illik müqayisədə 0,2 % çoxdur. Hesabat dövründə Agentliyin öhdəlikləri 15,7 % artaraq 57 milyon 596 min manata, balans kapitalı isə 1,4 % artaraq 479 milyon 117 min manata çatıb.
Mənzil İnşaatı Dövlət Agentliyi qiymətli kağızlara 203 milyon 880 min manat yatırıb.
Göstəricilərə Agentliyin tabeliyində olan "MİDA" MMC-nin göstəriciləri daxil deyil.
Xatırladaq ki, MİDA ölkə prezidentinin 11 aprel 2016-cı il tarixli fərmanı ilə yaradılıb. Onun nizamnamə kapitalı 100 milyon manatdır. Agentliyin əsas məqsədi ölkə vətəndaşlarının yaşayış sahələrinə olan ehtiyacını ödəmək, onların mənzil-məişət şəraitini yaxşılaşdırmaq, müasir memarlıq üslubunda ekoloji və enerji səmərəliliyi tələblərinə cavab verən çoxmənzilli binaların tikilməsini təmin etmək, habelə bununla bağlı şəhərsalma və tikinti sahələrində dövlət idarəetməsini təkmilləşdirməkdir. Bununla yanaşı, ölkədə çoxmənzilli yaşayış binalarının tikintisinə rəvac vermək, vətəndaşların güzəştlə mənzillər əldə etmələrinə şərait yaratmaq, çoxmənzilli yaşayış binalarının tikintisi üçün ayrılan maliyyə vəsaitlərindən səmərəli istifadə edilməsini təşkil və təmin etmək məqsədilə qurumun tabeliyində "MİDA" MMC yaradılıb.
