"Maşını İlham Əliyevə çatdırmaq üçün vaxt təyin etdik"
Türkiyə istehsalı olan "TOGG" avtomobili ilk sifarişçilərinə təqdim ediləcək.
"Togg"un bu modelinin ilk sahibləri - AÇIQLANDI
FED.az "Qafqazinfo"ya istinadən xəbər verir ki, bunu Türkiyənin sənaye və texnologiya naziri Mustafa Varank açıqlayıb.
"Biz avtomobili bazar ertəsi "TOGG"u ilk sifariş verən Prezident Rəcəb Tayyib Ərdoğana təhvil verəcəyik. Eyni zamanda, Azərbaycan Prezidenti İlham Əliyevlə görüş vaxtı təyin etdik. İkinci maşını da cənab Əliyevə çatdırmağı planlaşdırırıq", - deyə nazir bildirib.
Qeyd edək ki, Ərdoğan İlham Əliyevin Türkiyə istehsalı olan iki "TOGG" avtomobili istədiyini açıqlamışdı. Jurnalistin İ.Əliyevin hansı rəngdə avtomobil istəməsinə dair suala isə Ərdoğan belə cavab vermişdi: "Rəng məsələsini müzakirə etmədik. Düşünürəm ki, İlham Əliyev avtomobilin hansı rəngdə olmasını Mehriban xanımla müzakirə edib bizə məlumat verər".
