Lada X-Cross 5 şəhər krossoverinin istehsalı başladı - QİYMƏT
İyunun 17-də Sankt-Peterburqdakı keçmiş Nissan zavodunda "AvtoVaz" tərəfindən Lada X-Cross 5 avtomobilinin ("C" sinfi krossover) istehsalına başlanılıb.
Marja.az xəbər verir ki, avtomobillərin satışına 2023-cü ilin 3-cü rübündə başlanılması planlaşdırılıb. Bu barədə Rusiya Federasiyası Sənaye və Ticarət Nazirliyinin bəyanatında deyilir.
VTB-də minimal faiz dərəcəsi ilə nağd kredit 10.99%-dən
Lada X-Cross 5 modeli 160 at gücündə turbomühərrik və 7 pilləli avtomatik transmissiya ilə təchiz edilmiş öndən çəkən şəhər krossoveridir.
"AvtoVAZ" 2027-ci ilə qədər Sankt-Peterburqdakı zavodda ildə 100 mindən çox "Lada" avtomobili istehsal edəcək.
Fevralın əvvəlində AvtoVAZ şirkəti Nissan-ın Sankt-Peterburqdakı aktivlərini simvolik qiymətə alıb.
AvtoVAZ-ın yeni Lada X-Cross 5 modeli avtomobilin konfiqurasiyasından asılı olaraq orta hesabla 2,5 milyon rubla qədər (cari məzənnə ilə 51 min manatadək) başa gələcək. Bunu AvtoVAZ-ın şirkətinin prezidenti Maksim Sokolov bildirib.
"Qiymət kifayət qədər adekvatdır: biz hələ dilerlərimizi istiqamətləndirməmişik, biz buna yayın sonunda başlayacağıq. Amma orta hesabla qiymət bu qədər olacaq: avtomobilin konfiqurasiyasından asılı olaraq 2,5 milyon rubl", - o bildirib.
Lada X-Cross 5 krossoveri Çinin avtomobil markası FAW-ın Bestune T77 modelinin yenidən tərtib edilmiş versiyasıdır.
