iOS 17 təqdim edildi – Yenilənməyə dəyər, yoxsa yox?

iOS 17 təqdim edildi – Yenilənməyə dəyər, yoxsa yox? Sentyabrın 18-də, Bakı vaxtı ilə saat 21:00-da "Apple" iOS 17-ni nümayiş etdirib. Xatırladaq ki, iOS mobil əməliyyat sisteminin on yeddinci versiyası 5 iyun 2023-cü ildə Ümumdünya Tərtibatçılar Konfransında (WWDC) 2023-cü ildə elan edilib. Bəs istifadəçiləri hansı yeniliklər gözləyir?
StandBy
"StandBy" funksiyasının köməyi ilə yükləməyə qoyduğunuz iPhone məlumat mərkəzinə və ya çarpayının yanındakı saata çevriləcək. Ekranda cari vaxt, daxil olan bildirişlər və müxtəlif vidjetlər göstəriləcək. İstəyirsinizsə, ekrana sevimli şəkillərinizi də qoya bilərsiniz. Bu funksiyadan istifadə etmək üçün smartfonu stendə üfüqi vəziyyətdə yerləşdirmək və yükləməyə qoymaq lazımdır.
iOS 17 təqdim edildi – Yenilənməyə dəyər, yoxsa yox? Vidjetlər
iPhone-un kilid ekranındakı vidjetlər interaktiv olub. İndi, məsələn, ağıllı evin işıqlandırılmasına nəzarət etmək və ya xatırlatmaları söndürmək üçün proqramları açmağa ehtiyac yoxdur.
NameDrop
AirDrop-dakı bu xüsusiyyət iki iPhone sahibinə zənglər zamanı görünəcək kontaktları tez və təhlükəsiz şəkildə mübadilə etməyə imkan verir. Vacib şərt iki smartfonun bir-birinə yaxın olmasıdır. İndi artıq bu məlumatları əl ilə daxil etməyə və ya üçüncü tərəf proqramları vasitəsilə ötürməyə ehtiyac yoxdu.
iOS 17 təqdim edildi – Yenilənməyə dəyər, yoxsa yox? Şəkil tanıma
İndi sistem təkcə insanların deyil, heyvanların da üzlərini tanıyacaq. Başqa bir yenilik yeməyin şəklini çəkməyə və sonra oxşar reseptlərin onlayn seçimini əldə etməyə imkan verir. Bunu etmək üçün sadəcə "Məlumat" düyməsini sıxmağınız kifayətdir.
iOS 17 təqdim edildi – Yenilənməyə dəyər, yoxsa yox? FaceTime-da videomesajlaşma
İstifadəçi zəngə cavab vermirsə, ona videomesaj göndərə bilərsiniz və o, istəsə, mesajınızı Apple TV-də izləyə biləcək.
Safari-də məxfilik
İstifadəçilər Touch ID və ya Face ID avtorizasiyasından istifadə edərək Anonim rejimdə mobil Safari-yə daxil ola biləcəklər.
iOS 17 təqdim edildi – Yenilənməyə dəyər, yoxsa yox? Sağlamlıq
İndi "Sağlamlıq" proqramı sizə təkcə fiziki fəaliyyəti deyil, digər meyarları da izləməyə imkan verəcək. İstifadəçilər gündəlik əhval-ruhiyyələrini seçərək, onların ruh hallarına nə təsir etdiyini qeyd edə bilərlər. Proqramda narahatlıq səviyyəsini qiymətləndirmək imkanı da var.
iOS 17 təqdim edildi – Yenilənməyə dəyər, yoxsa yox? Xatirə jurnalı
Bu, şəxsi gündəliyə bənzər bir şeydir. Qeydlərə şəkil və lokasiyalar əlavə edilə bilər. Qeyd olunur ki, şifrələmə sayəsində heç kim jurnalın məlumatlarına daxil ola bilməyəcək.
iOS 17 hansı iPhone modellərinə quraşdırıla bilər?
iOS 17 əməliyyat sistemi iPhone XS və daha yeni smartfonlar üçün əlçatandır:
iPhone XS və iPhone XS Max;
iPhone XR;
iPhone 11, iPhone 11 Pro və 11 Pro Max;
iPhone 12 mini, iPhone 12, iPhone 12 Pro və 12 Pro Max;
iPhone 13 mini, iPhone 13, iPhone 13 Pro və 13 Pro Max;
iPhone 14, iPhone 14 Plus, iPhone 14 Pro və 14 Pro Max.
Xatırladaq ki, daha əvvəl "Apple" yeni iPhone 15 smartfonlarını, Apple Watch Series 9 saatını və AirPods Pro qulaqlıqlarını təqdim etmişdi. / banker.az