Ağıllı ev

Texnologiya sürətlə inkişaf etdikcə, həyat tərzimiz də onunla paralel olaraq dəyişir. Artıq sadəcə telefonla danışmaq və ya internetə daxil olmaq kifayət etmir. Günümüzdə insanlar öz evlərini də ağıllı sistemlərlə təchiz edərək gündəlik yaşamlarını daha təhlükəsiz, daha rahat və daha funksional hala gətirməyə çalışırlar. Ağıllı ev texnologiyaları bu məqsədlə yaradılıb.
Evdə olmadığınız zaman kimin gəlib-getdiyini görə bilmək, pərdələri günəşin doğuşuna uyğun avtomatik açdırmaq və ya yalnız otaqda hərəkət olduqda işıqların yanmasını təmin etmək artıq sadəcə filmlərdə deyil, real həyatımızdadır. Bu texnologiyalarla yalnız lüks deyil, həm də enerji sərfiyyatında qənaət, təhlükəsizlikdə yüksək səviyyə və vaxtdan səmərəli istifadə əldə olunur.
Bu növ innovativ sistemlərə maraq artdıqca, bazarda da təkliflər çoxalır. Lakin düzgün məhsulu tapmaq, münasib qiymətlə almaq və etibarlı satıcıdan alış-veriş etmək üçün doğru yeri seçmək vacibdir. Bu yazımızda ağıllı ev texnologiyasının nə olduğu, hansı imkanlar təqdim etdiyi, TEZBAZAR.AZ saytında bu məhsulların hansı çeşiddə təqdim olunduğu və qiymətlərin necə formalaşdığı barədə ətraflı məlumat verəcəyik

Ağıllı ev sistemlərinin növləri

Ağıllı ev texnologiyaları müasir yaşayış məkanlarının funksionallığını və təhlükəsizliyini artıran, eyni zamanda gündəlik həyatı daha rahat və idarəolunan edən sistemlər toplusudur. Bu texnologiyalar fərdi istifadəçiyə evindəki işıqlandırmadan tutmuş təhlükəsizlik, isitmə, enerji istifadəsi və cihazların idarəsinə qədər bir çox sahədə uzaqdan nəzarət və avtomatlaşdırma imkanı təqdim edir. Mobil tətbiqlər, səsli köməkçilər və sensor texnologiyalar sayəsində bu cihazlar istifadəçinin davranışlarına uyğunlaşa bilir və bu da "ağıllı" ev anlayışını real və faydalı bir yaşam formatına çevirir.

Ağıllı kameralar və domofonlar

Ev təhlükəsizliyini təmin edən ilk vasitələrdən biri ağıllı kameralar və domofon sistemləridir. Bu cihazlar IP texnologiyası ilə təchiz olunaraq istifadəçiyə evin istənilən nöqtəsindən görüntülərə baxmaq, qeydləri izləmək və real vaxtda xəbərdarlıqlar almaq imkanı yaradır. Ağıllı domofonlar isə zəng vurulduqda birbaşa mobil telefona bildiriş göndərir. Gələn şəxsin görüntüsünü göstərərək istifadəçiyə qapını uzaqdan açmaq imkanı təqdim edir. Bu cihazlar həm fərdi evlərdə, həm də mənzil binalarında tətbiq olunur və təmassız, təhlükəsiz, vizual nəzarət imkanı ilə gündəlik həyatda öz yerini tam şəkildə alır. İnfraqırmızı gecəgörmə, hərəkət aşkarlama və bulud yaddaşı kimi əlavə funksiyalar sayəsində bu sistemlər yalnız təhlükəsizlik deyil, eyni zamanda rahatlıq və texnoloji nəzarət imkanları da qazandırır

Sensor və detektorlar

Ağıllı ev sistemlərinin vacib komponentlərindən biri də müxtəlif sensorlar və detektorlardır. Bu cihazlar qaz sızması, su daşqını, tüstü və ya hərəkət kimi təhlükəli vəziyyətləri dərhal aşkarlayaraq istifadəçini xəbərdar edir. Məsələn, su sızması sensoru vanna otağında və ya mətbəxdə sızmanı hiss edərək dərhal xəbərdarlıq edir. Daha böyük ziyanların qarşısını almağa kömək edir. Qaz və tüstü detektorları isə həyat təhlükəsi yaradan hallarda vaxtında xəbər verərək təcili tədbir görməyə fürsət verir. Hərəkət sensorları isə evdə hərəkət olduqda avtomatik işıqlandırma, kamera aktivləşdirmə və ya siqnalizasiya funksiyalarını işə sala bilər. Bu texnologiyalar evdə olmadığınız zaman belə əmlakınızı qorumağa, həm də baş verə biləcək qəza hallarının qarşısını vaxtında almağa xidmət edir. Sensor və detektorların mobil tətbiqə inteqrasiyası sayəsində istifadəçi istənilən vaxt və yerdən evində baş verənləri nəzarətdə saxlaya bilir.

Ağıllı işıqlandırma və pərdələr

Ağıllı işıqlandırma sistemləri və pərdələr ev daxilində komfort və enerjiyə qənaət baxımından əhəmiyyətli texnologiyalardandır. Bu sistemlər vasitəsilə evin müxtəlif otaqlarındakı işıqları mobil telefon, səsli əmr və ya təyin olunmuş zaman cədvəlləri ilə idarə etmək mümkündür. Məsələn, istifadəçi evə gəlmədən öncə işıqları yandıra, yatdıqda isə avtomatik söndürülməsini təmin edə bilər. Sensorlarla təchiz olunmuş ağıllı pərdələr isə gün işığını hiss edərək avtomatik açılıb-bağlanır. Bununla həm enerji sərfiyyatını azaldır, həm də məxfiliyi qoruyur. Bu sistemlər eyni zamanda estetik görünüşü və yaşama komfortunu artırmaqla yanaşı, enerji səmərəliliyi ilə ev sahibinə əlavə qənaət imkanı da verir. Ağıllı işıqlandırma sistemləri müxtəlif ssenarilər üzrə tənzimlənə bildiyi üçün film izləmə, oxuma, istirahət və ya iş rejimi kimi fərqli atmosferlər yaratmaq mümkündür.

İqlimə nəzarət sistemləri

Evdə temperaturun və hava şəraitinin avtomatik şəkildə tənzimlənməsi üçün ağıllı termostatlar və iqlimə nəzarət sistemləri istifadə olunur. Bu cihazlar istifadəçinin həyat rejimini öyrənərək istilik sistemini optimal şəkildə idarə edir. Beləliklə həm komfort səviyyəsini artırır, həm də enerji xərclərini azaldır. Məsələn, istifadəçi evdən çıxarkən sistem avtomatik olaraq isitmə rejimini aşağı salır. Evə qayıdanda əvvəlcədən təyin edilmiş temperaturu təmin edir. Bu cür funksiyalarla həm istilik, həm soyutma sistemləri ağıllı şəkildə idarə olunur və ətraf mühitə uyğunlaşma funksiyası ilə daha effektiv nəticələr əldə edilir. Bəzi modellər hava keyfiyyətini, rütubəti və CO2 səviyyəsini də izləyərək ventilyasiya sistemlərini uyğun şəkildə tənzimləyir. İqlimə nəzarət sistemlərinin smartfon tətbiqləri ilə idarə olunması isə istifadəçiyə istənilən an evdəki temperaturu nəzarətdə saxlamaq və dəyərləri dəyişmək imkanı yaradır. Bu texnologiyalar təkcə komfortu deyil, həm də yaşama xərclərini və enerji sərfiyyatını optimallaşdırır.

Hansı markalara üstünlük verilməlidir?

Ağıllı ev texnologiyalarında məhsul seçimi zamanı markanın etibarlılığı, texniki dəstəyi, ekosistem genişliyi və proqram təminatının dayanıqlılığı əsas meyarlar sırasındadır. Çünki bu sistemlər bir dəfə alınıb uzunmüddətli istifadə üçün nəzərdə tutulur və həm təhlükəsizlik, həm də rahatlıq baxımından kritik rol oynayır. Buna görə də bazarda sınanmış, texniki cəhətdən sabit və istifadəçi təcrübəsi baxımından müsbət rəy toplamış brendlərə üstünlük verilməlidir. Həmçinin markanın təqdim etdiyi məhsulların bir-biri ilə uyğun işləməsi və ekosistem yaratmaq bacarığı da nəzərə alınmalıdır. Beləliklə, bir cihaz alarkən gələcəkdə digər cihazların da problemsiz şəkildə sistemə əlavə olunması mümkün olur.
Sonoff sadə quraşdırma, sərfəli qiymət və funksional imkanları ilə geniş istifadəçi kütləsinə xitab edir. On/off modulları, ağıllı rozetkalar və sensorlar sahəsində ixtisaslaşıb. Wi-Fi dəstəyi ilə gələn bu cihazlar Google Home və Amazon Alexa ilə uyğun çalışır.
Xiaomi istər ekosistem genişliyi, istərsə də dizayn baxımından bazarda liderlərdən biridir. Mi Home platforması vasitəsilə evin bütün cihazlarını vahid tətbiqlə idarə etmək mümkündür. Eyni zamanda keyfiyyət və qiymət balansı çox uğurludur.
Aqara Xiaomi-nin törəmə brendi kimi çıxış etsə də, xüsusilə "Zigbee" protokolu ilə çalışan sistemlərə üstünlük verir. Enerji sərfiyyatı az, cavab sürəti isə yüksəkdir. Evdə minimum internetlə belə yüksək sabitlik təmin edir.
Bosch alman keyfiyyəti ilə tanınır. Ağıllı təhlükəsizlik sistemləri, termostatlar və iqlimə nəzarət texnologiyaları sahəsində ön sıralardadır. Yüksək büdcəli olsa da, uzunömürlü və dəqiq çalışan məhsullar təklif edir.
Tapo və ya TP-Link Wi-Fi kameraları və ağıllı plaginlər sahəsində geniş tanınır. Tapo tətbiqi ilə asan idarə imkanı təqdim edir. Sadə istifadəçi interfeysi və yüksək görüntü keyfiyyəti ilə fərqlənir.
Hikvision təhlükəsizlik sahəsində liderdir. Əsasən IP kameralar, video domofonlar və NVR sistemləri üzrə ixtisaslaşmışdır. Geniş miqyaslı müşahidə sistemləri üçün peşəkar həllər təqdim edir. TEZBAZAR.AZ saytında bu markanın müxtəlif kamera modellərini tapmaq mümkündür.
Bu markaların hər biri öz sahəsində ixtisaslaşıb və istifadəçi ehtiyaclarına görə müxtəlif üstünlüklər təklif edir. Əgər daha çox uyğunlaşma və əlçatanlıq istəyirsinizsə, Xiaomi və Sonoff, yüksək təhlükəsizlik və peşəkar idarəetmə üçün isə Bosch və Hikvision daha doğru seçimdir.

Ağıllı ev sistemlərinin qiymətləri

Ağıllı ev sistemlərinin qiymətləri bir neçə əsas amildən asılı olaraq formalaşır. Bu qiymətlər çox zaman məhsulun texniki xüsusiyyətlərinə, funksionallığına, brendinə və təqdim etdiyi əlavə imkanlara görə dəyişir. Ən sadə qurğular, bir ədəd ağıllı rozetka və ya işıq açarı kimi məhsullar bazarda kifayət qədər əlçatan qiymətlərlə təklif olunur. Bu tip cihazların qiymətləri adətən 20-60 AZN aralığındadlr. Daha kompleks sistemlərə keçdikcə, qiymətlər də paralel şəkildə artır. Məsələn, ağıllı kameralar, domofonlar və təhlükəsizlik sistemləri həm texniki göstəricilərə, həm də marka reputasiyasına əsaslanaraq 80-300 AZN arası təyin olunub. Əgər sistemdə gecə görmə, hərəkət sensoru, AI təhlili və uzaqdan bildiriş funksiyaları varsa, bu halda qiymət 500 AZN-ə qədər və ya daha yüksək ola bilər.
Termostatlar, iqlimə nəzarət cihazları və sensor modulları isə funksiyasından və texnoloji səviyyəsindən asılı olaraq təqribən 100-400 AZN civarındadır. Bu sistemlərin bəziləri evdəki hava keyfiyyətini, temperaturu və rütubəti avtomatik tənzimləmək imkanına malikdir. Daha irimiqyaslı həllər, bütöv ev üçün ağıllı idarəetmə sistemləri və ya bir neçə funksiyanı özündə birləşdirən "hub" tipli cihazlar isə artıq kompleks layihə sayılır. Qiymətləri 1000 AZN-dən yuxarı ola bilər. Bu tip sistemlər adətən fərdi konfiqurasiya tələb edir. Buna görə də əlavə quraşdırma və texniki dəstək xərcləri də nəzərə alınmalıdır.
Qiymətlərə təsir edən digər mühüm faktor istehsalçı brendidir. Məsələn, Xiaomi və Sonoff kimi markalar daha büdcə dostu variantlar təqdim edir. Bunun əksinə olaraq, Bosch, Hikvision və Aqara kimi premium səviyyəli brendlərin məhsulları daha yüksək qiymət aralığında yerləşir.

Ağıllı ev sistemlərinin quraşdırılması necə olur?

Ağıllı ev sistemlərinin quraşdırılması prosesi həm texniki bilik, həm də ehtiyacların düzgün müəyyənləşdirilməsini tələb edir. Bu sistemlərin məqsədi gündəlik həyatın daha təhlükəsiz, daha rahat və enerjiyə qənaətli formada idarə olunmasıdır. Quraşdırma mərhələsi sadəcə cihazları bir-bir yerləşdirməkdən ibarət deyil. Burada düzgün planlaşdırma, texniki uyğunluq, şəbəkə inteqrasiyası və istifadəçi təcrübəsinin optimallaşdırılması da əsas rol oynayır. Əgər düzgün yanaşma göstərilməzsə, bahalı cihazların potensialı tam istifadə olunmaya və ya sistemdə ardıcıl problemlər yarana bilər. Bu səbəbdən quraşdırma zamanı mərhələli yanaşma və texniki dəqiqlik əsas şərtdir.

Quraşdırmadan öncə nələrə diqqət etmək lazımdır?

Ağıllı ev sistemi quraşdırılmadan əvvəl ilk və ən vacib addım şəxsi ehtiyacların aydın şəkildə müəyyənləşdirilməsidir. Hər bir evin planı, texniki infrastrukturu və istifadəçilərin gözləntiləri fərqlidir. Məsələn, bəziləri üçün əsas məqsəd təhlükəsizliyi təmin etməkdirsə, digərləri üçün komfort və enerji səmərəliliyi ön plandadır. Buna görə də quraşdırmadan əvvəl suallara cavab verilməlidir. Hər hansı otaqlarda kameraya ehtiyac var? İşıqlandırma avtomatik işləməlidir? Havanın temperaturuna nəzarət necə olacaq? Əlçatanlıq baxımından mobil tətbiqlə idarəetməmi vacibdir, yoxsa səsli köməkçi iləmi? Bu sualların cavabları sistemin quruluşunu, istifadə olunacaq cihaz növlərini və proqram təminatını müəyyən edir. Evdə mövcud elektrik xətti, Wi-Fi siqnal gücü və router quruluşu da nəzərdən keçirilməlidir. Zəif internet bağlantısı və ya uyğunsuz elektrik infrastrukturu cihazların effektiv işləməsinə mane ola bilər. Beləliklə, ilkin planlaşdırma nə qədər dəqiq aparılarsa, nəticə bir o qədər uğurlu olar.

Professional quraşdırma xidmətləri

Texnologiyaya yeni başlayan və ya texniki detallarla məşğul olmaq istəməyən istifadəçilər üçün professional quraşdırma xidmətləri əla seçimdir. Bu sahədə təcrübəli mütəxəssislər evin ölçüsünə, planına və istifadəçinin istəklərinə uyğun olaraq düzgün cihazları seçir. Onları optimal şəkildə yerləşdirir və düzgün işləməsi üçün şəbəkəyə inteqrasiya edir. Peşəkar xidmətlər yalnız cihazların fiziki quraşdırılmasını deyil, eyni zamanda proqram təminatının tənzimlənməsini, istifadəçi profillərinin yaradılmasını və ssenarilərin qurulmasını da əhatə edir. Məsələn, bir düyməyə toxunmaqla işıqların sönməsi, pərdələrin bağlanması və siqnalizasiya sisteminin aktivləşməsi kimi kompleks funksiyalar məhz bu mərhələdə hazırlanır. Təhlükəsizlik baxımından düzgün konfiqurasiya çox önəmlidir. Əgər sistem zəif parollarla və ya düzgün firewall qurulmadan işləyərsə, bu zaman kiber təhlükələrə qarşı həssas olur. Peşəkar quraşdırma xidməti isə bu riskləri minimuma endirir və istifadəçiyə tam funksional, təhlükəsiz və rahat sistem təqdim edir. Belə xidmətlər eyni zamanda texniki dəstək və zəmanət imkanları ilə gəlir ki, bu da sistemin uzunmüddətli işləməsini təmin edir.