"Instagram" istifadəçilərin yaşını soruşacaq

"Instagram" sosial şəbəkəsi istifadəçilərin yaşını yoxlamaq üçün müxtəlif vasitələri sınaqdan keçirməyə başlayıb. Əvvəlcə bu funksiya yalnız ABŞ-da aktiv olub, lakin sonra Braziliya və Yaponiyada da istifadəyə verilib.
Yeni ölkələrin siyahısına Kanada, Meksika, Cənubi Koreya, Avstraliya və Avropa ölkələri daxildir. "Meta" yaxın aylarda yeni alətləri bütün dünyada əlçatan etməyi planlaşdırır.
Banker.az bu barədə İnc.ru-ya istinadən xəbər verir.
Yeni qaydalara əsasən, 18 yaşından kiçik istifadəçilər "Instagram"da doğum tarixini dəyişməyə cəhd edərsə, proqram onlardan üç üsuldan birini təsdiqləməyi tələb edəcək. Birinci halda pasport və ya sürücülük vəsiqəsi kimi şəxsiyyəti təsdiq edən sənəd təqdim ediləcək. Sosial şəbəkə onu 30 gün ərzində yoxlayacaq.
İkinci variant Böyük Britaniyanın rəqəmsal identifikasiya xidməti "Yoti" vasitəsilə videoselfi çəkməkdir. Platforma süni intellekt vasitəsilə istifadəçinin yaşını yoxlayacaq.
Üçüncü variant "sosial zamin" adlanır: izləyicilər hesab sahibinin yaşını özləri yoxlaya biləcəklər.
Ümumilikdə, bütün istifadəçilər dörd kateqoriya üzrə qruplaşdırılacaq: 13 yaşda aşağı, 13-17 yaş, 18-20 yaş və 21 yaşdan yuxarı. Testin təsdiqlənməsi üçün hər üçü eyni variantı seçməlidir.