Gürcüstanda avtomobillərin katalizatoru ilə bağlı - YENİ QƏRAR
Gürcüstan hakimiyyəti havaya atılan zərərli tullantıları azaldan avtomobil katalizatorlarının ixracını üç il müddətinə, 2026-cı il mayın 1-dək qadağan edib.
Hibrid avtomobillər Azərbaycanda niyə özünü doğrultmur? - VİDEO
FED.az xəbər verir ki, iyunun 12-də hökumətin təşəbbüsü ilə bağlı baş nazir İrakli Qaribaşvili çıxış edib. Onun sözlərinə görə, bu qərar havanın keyfiyyətini yaxşılaşdırmalıdır.
Avtomobil katalizatoru və ya işlənmiş qazın katalitik çeviricisi, işlənmiş qazlarda zərərli maddələrin konsentrasiyasını azaldan xüsusi bir filtrdir.
Uzun illərdir ki, Gürcüstanda avtomobil sahiblərinin avtomobillərdən katalizator çıxarıb xaricə satması təcrübəsi formalaşıb.
Kənd Təsərrüfatı və Ətraf Mühitin Mühafizəsi Nazirliyinin Ətraf Mühit və İqlim Dəyişiklikləri Departamentinin rəis müavini Noe Meqrelişvilinin sözlərinə görə, 2015-ci ildən indiyədək Gürcüstandan avtomobil katalizatorlarının ixracı 700 min ədəd təşkil edib ki, bu da fəlakətli rəqəmdir.
Onun sözlərinə görə, 2020-ci ilin aprelindən katalizatorların ixracı ilə mübarizə aparmaq üçün qeydiyyatdan keçmiş avtomobillərdə katalizatorun olması tələb olunur. Ölkədə isə onun sözlərinə görə, bir milyon yarıma yaxın qeydiyyatda olan avtomobil var.
BMG Media Platformasının məlumatına görə, doqquz il ərzində Gürcüstandan təxminən 98 milyon dollar dəyərində katalizatorlar çıxarılıb. Belə ki, 2015-ci ildən bəri ən çox katalizator həcmi 2021-ci ildə ixrac edilib - 122 kq-dan çox. (Trend)
