Ford-dan 3,5 milyard dollarlıq akkumulyator zavodu investisiyası

ABŞ-ın ən böyük avtomobil istehsalçılarından biri olan Ford, Çinin Contemporary Amperex Technology (CATL) şirkətinin texnologiyasından istifadə edərək Miçiqanda akkumulyator zavodu qurmaq üçün 3,5 milyard dollar sərmayə yatırmağı planlaşdırdığını açıqlayıb.
Marja şirkətin açıqlamasına istinadən xəbər verir ki, Ford-un dünyanın ən böyük akkumulyator istehsalçılarından biri olan Çinin CATL şirkəti ilə müqavilə bağladığı bildirilib.
Açıqlamada, müqavilə çərçivəsində Avropa və Asiyada 13 zavoda sahib olan CATL-in litium dəmir fosfat (LFP) batareya hüceyrəsi məlumat və xidmətlərindən istifadə olunaraq batareya istehsal ediləcəyi qeyd edilib.
Açıqlamada Ford-un ABŞ-ın Miçiqan ştatında bir akkumulyator istehsalı zavodu qurmaq üçün 3,5 milyard dollar sərmayə yatıracağı və sözügedən müəssisədə LFP akkumulyatorlarının istehsalına 2026-cı ildə başlanmasının planlaşdırıldığı və ilkin olaraq 2500 işçinin çalışacağı bildirilib. 
ABŞ hərbçiləri Amerika hava məkanında təsbit edilən və Çinin casus şarı olduğu iddia edilən şarı fevralın 4-də Cənubi Karolina sahillərində vurub. Dağıntıları toplayan ABŞ hərbçiləri şarı tədqiq etməyə davam edir.
ABŞ dövlət katibi Entoni Blinken ABŞ hava məkanında hava şarının aşkarlanmasından sonra Pekinə səfərini təxirə salıb. / marja.az