Dövlət Agentliyi 2022-ci ildən də başabaş çıxıb - GƏLİRLƏRİ 2 MİLYARD MANATDAN ÇOX ARTIB

Azərbaycan Avtomobil Yolları Dövlət Agentliyi 2022-ci ildə nə mənfəət əldə edib, nə də zərər edib. Agentlik 2022-ci ildən də qalıqsız çıxıb. 
Marja.az xəbər verir ki, 2022-ci ildə Dövlət Agentliyinin gəlirləri 4 milyard 80 milyon 377 min manat, xərcləri də 4 milyard 80 milyon 377 min manat təşkil edib.
VTB-də minimal faiz dərəcəsi ilə nağd kredit 10.99%-dən
2021-ci ildə Dövlət Agentliyinin gəlirləri 2 milyard 1 milyon 520 min manat, xərcləri də 2 milyard 1 milyon 520 min manat təşkil etmişdi. 
31 Dekabr 2022-ci il tarixində Avtomobil Yolları  Dövlət Agentliyi 27 milyard 397 milyon 103 min manat cəmi aktivlərə malik olub. Agentlik 2021-ci ilin sonunda 22 milyard 556 milyon 441 min manat cəmi aktivlərə malik idi. 
Azərbaycan Avtomobil Yolları Dövlət Agentliyi Azərbaycan Respublikasının avtomobil yolları təsərrüfatı sahəsində xidmətlər göstərən, balansına verilmiş avtomobil yollarının, habelə körpülərin, tunellərin və digər yol qurğularının layihələndirilməsini, istismarını, bərpasını, təmirini, yenidən qurulmasını və tikilməsini, avtomobil yollarının və yol qurğularının qorunub saxlanılmasını və onların vəziyyətinə nəzarəti, o cümlədən yol infrastrukturunun inkişafı ilə bağlı digər işləri kompleks şəkildə həyata keçirən publik hüquqi şəxsdir.