"Bolt" şirkətinin prezidenti Azərbaycanın naziri ilə görüşdü

""Bolt" şirkətinin prezidenti Yevgeni Kabanov ilə onlayn görüş keçirdik".
Bu barədə rəqəmsal inkişaf və nəqliyyat naziri Rəşad Nəbiyev paylaşım edib.
"Bakı şəhərinin taksi bazarında mövcud problemləri və sektorun tənzimlənməsi ilə bağlı planlarımızı müzakirə etdik. Ekoloji təmiz, keyfiyyətli və dayanıqlı taksi xidmətinin təşkilində aqreqatorların rolu haqqında fikir mübadiləsi apardıq", – deyə məlumatda bildirilir.
Xatırladaq ki, Azərbaycanda taksi fəaliyyətinə dair bir çox tələblər müəyyənləşdirilir. O cümlədən, taksi sifarişi operatoru fəaliyyətinə icazə alınacaq.
/ marja.az