"BMW" öz avtomobillərinə oyun xidmətini əlavə edib

"BMW" şirkəti "AirConsole" xidmətini dəstəkləyərək avtomobillərinin multimedia sisteminin funksional imkanlarını genişləndirdiyini elan edib. Bulud platforması avtomobilə quraşdırılmış "BMW Curved Display"də oyunları idarə etməyə imkan verəcək.
Banker.az bu barədə Kommersant-a istinadən xəbər verir.
Oyunların smartfon vasitəsilə idarə olunması təklif olunur. Qeyd edildiyi kimi, avtomobildə olan hər bir kəs video oyun oynaya biləcək. "AirConsole" sisteminən yalnız avtomobil dayandıqda istifadə etmək mümkündür.
"AirConsole" sistemini almış ilk avtomobil "BMW 5 Series" olacaq. Xatırladaq ki, modelin premyerası 2023-cü ildə baş tutub.