BMW Çində avtomobillərin qiymətini qaldırıb
Almaniyanın avtomobil istehsalçısı BMW, daha yüksək xammal xərcləri və artan logistika xərcləri səbəbindən Çində satılan bəzi modellər üçün təklif olunan pərakəndə satış qiymətlərini artırdığını açıqlayıb.
Marja.az "Shanghai Securities News"a istinadən xəbər verir ki, BMW 5 Series sedan və X5 krossoverləri də daxil olmaqla 17 modelin qiymətləri artırılıb.
İllik 12.99%-dən 40 000 AZN-dək zaminsiz komissiyasız kredit!
Qəzetin yazdığına görə, krossoverlər üçün qiymət 7,000-17,000 yuan (1,037,25-2,519,04 dollar) artırılıb.
"BMW, xammal və avtomobillərin istehsal xərclərindəki dəyişikliklərə çevik reaksiya vermək üçün məhsullarını mütəmadi olaraq nəzərdən keçirir və qiymətləri təyin edir", - şirkətin bəyanatında deyilir.
BMW-nin qiymət artımları, dünyanın ən böyük avtomobil bazarında tələb zəiflədiyi və bazar paylarını qorumaq üçün ən populyar modellərinin qiymətlərini aşağı salan Tesla-dan Xpeng-ə qədər elektrikli avtomobil istehsalçılarının son qiymət endirimləri ilə ziddiyyət təşkil edir.
"China Merchants Bank International"ın çərşənbə axşamı açıqladığı məlumatlara görə, yanvarın ilk 29 günündə Çində BMW avtomobillərinin orta gündəlik pərakəndə satışları 2022-ci ilin eyni dövrü ilə müqayisədə 18,6%, ümumi minik avtomobillərinin satışı isə 45% azalıb.
