"Bakıda binanın sütunlarını kəsənlər məsuliyyətə cəlb olunacaq" - DÖVLƏT AGENTLİYİ

Bakının Nərimanov rayonunda, Ceyhun Hacıbəyli - 24 ünvanında çoxmərtəbəli binanın sütunlarının kəsilməsi barədə sosial şəbəkədə yayılmış videogörüntülər araşdırılıb.
Fövqəladə Hallar Nazirliyinin (FHN) mütəxəssisləri həmin ünvanda reyd keçirib.
Reyddə media nümayəndələri də iştirak edib. Qeyd olunub ki, sosial şəbəkələrdə həmin binanın -2-ci mərtəbəsində, yəni qarajında sütunların sökülməsi barədə görüntülər yayılıb.
FHN-in Tikintidə Təhlükəsizliyə Nəzarət Dövlət Agentliyinin əməkdaşı Bəxtiyar Tağıyev bildirib ki, bu bina 2005-ci ildə tikilib:
"Binanın 3 girişi var. 20-21 mərtəbəli binanın zirzəmisində 5 yerdə sütunların ölçüsü kiçildilib. Sütunlar arasında ara məsafə genişləndirilib. Bu, qanunsuzdur. Həmin şəxslər məsuliyyətə cəlb olunacaq. Bura yalnız avtomobil dayanacağı kimi istifadə edilə bilər. Bu işlərin kim apardığı hələlik məlum deyil".
İllik 12.99%-dən 40 000 AZN-dək zaminsiz komissiyasız kredit!
© APA
/ marja.az