Bakı Şəhər İcra Hakimiyyətinə tabe olan şirkət üçün inzibati bina inşa edilir
Nərimanov Rayon Mənzil Kommunal Təsərrüfat Birliyi və "Bakı Şəhər Əsaslı Tikinti və Təmir" MMC üçün inzibati bina inşa ediləcək.
Marja.az xəbər verir ki, inzibati bina Bakı şəhəri Nərimanov rayonu, A.M.Cümə küçəsində tikiləcək.
İnzibati binanın inşaası ilə əlaqədar olaraq "Bakı Şəhər Əsaslı Tikinti və Təmir" MMC tərəfindən tender keçirilib. Tenderin qalibi "Vest-LTD" QSC-dir. Qalib şirkət ilə məbləği 3 milyon 939 min 720 manat olan müqavilə imzalanıb.
Qeyd edək ki, Bakı Şəhər İcra Hakimiyyəti başçısının tabeliyində təsərrüfat hesablı "Bakı Şəhər Əsaslı Tikinti və Təmir" Məhdud Məsuliyyətli Cəmiyyəti 2019-cu ildə yaradılıb.
2010-cu ildə dövlət qeydiyyatına alınmış və 2050 manat nizamnamə kapitalı olan "Vest-LTD" QSC-nin qanuni təmsilçisi Verdəliyev Şahin Əlimərdan oğludur.