"Azərişıq"dan özəl şirkətlərə 12,1 milyon manatlıq sifariş
"Azərişıq" ASC "Zəngilan şəhəri ərazisində yeni 35/0,4 kV-luq "Zəngilan" Rəqəmsal Yarımstansiya və İdarəetmə Mərkəzinin tikintisi, 35 kV-luq iki dövrəli kabel xəttinin çəkilməsi işlərinin satın alınması" ilə bağlı keçirdiyi tenderi yekunlaşdırıb.
Marja.az xəbər verir ki, qalib şirkət "Light City" QSC-dir.
"Azərişıq" ASC "Light City" QSC ilə məbləği 6 milyon 198 min 759 manat olan müqavilə imzalayıb.
2000 manat nizamnamə kapitalı olan və 2020-ci ilin İyul ayında dövlət qeydiyyatına alınmış "Light City" QSC-nin qanuni təmsilçisi Məmmədli Fuad Yaşar oğlu, hüquqi ünvanı - Bakı şəhəri, Xətai rayonu Yeryomenko, ev 14B-dir.
Həmçinin "Azərişıq" ASC "Cəbrayıl şəhəri ərazisində yeni 35/0,4 kV-luq "Cəbrayıl" Yarımstansiya və Rəqəmsal İdarəetmə Mərkəzinin tikintisi, 35 kV-luq iki dövrəli kabel xəttinin çəkilməsi işlərinin satın alınması" ilə bağlı keçirdiyi tenderi yekunlaşdırıb. Bu tenderin qalibi "Şans Construction" MMC-dir. "Azərişıq" ASC qalib şirkət ilə məbləği 5 milyon 948 min 882 manat olan müqavilə imzalayıb.
Hər iki müqavilənin cəmi məbləği 12 milyon 147 min 640 manatdır.