Azərbaycana bu il 40 mindən çox avtomobil idxal edilib - 612 MİLYON DOLLAR XARİCƏ ÇIXIB
2023-cü ilin ilk 5 ayı ərzində (yanvar-may) Azərbaycana 611 milyon 968 min dollar dəyərində 40 min 264 ədəd avtomobil (nəqliyyat vasitələri) idxal edilib.
Marja.az Dövlət Gömrük Komitəsinə istinadən xəbər verir ki, o cümlədən, yanvar-may dövründə 549 milyon 138 min dollar dəyərində 37 min 394 ədəd minik avtomobili, 39 milyon 490 min dollar dəyərində 2 min 633 ədəd yük avtomobili, 19 milyon 222 min dollar dəyərində 176 ədəd xüsusi texnika və 4 milyon116 min dollar dəyərində 61 ədəd avtobus idxal edilib.
Müqayisə üçün qeyd edək ki, 2022-ci ilin ilk 5 ayı ərzində (yanvar-may) Azərbaycana 369 milyon 469 min dollar dəyərində 28 min 681 ədəd avtomobil, o cümlədən 270 miylon 882 min dollar dəyərində 26 min 408 ədədə minik avtomobili idxal edilmişdi.
Azvtomobil idxalı 2023-cü ilin ilk 5 ayı ərzində ötən ilin eyni dövrü ilə müqayisədə dəyər ifadəsilə 242 milyon 499 min dollar və ya 65,6%, say ifadəsilə 11 min 583 ədəd və ya 40,4% artıb.
Hesabat dövrü: 01.01.2023 – 31.05.2023
