Azərbaycana avtomobil idxalı 21 faiz, elektrik avtomobillərin idxalı isə 9 dəfə artıb

2023-cü ilin Yanvar ayında Azərbaycana 102 milyon 620 min dollar dəyərində 6 min 881 ədəd nəqliyyat vasitələri idxal olunub.
Marja.az bu barədə Marja Dövlət Gömrük Komitəsinə istinadən xəbər verir.
Xatırladaq ki, 2022-ci ilin Yanvar ayında Azərbaycana 68 milyon 215 min dollar dəyərində 5 min 685 ədəd nəqliyyat vasitəsi idxal edilmişdi. Beləliklə, nəqliyyat vasitələrinin idxalı 21% artıb.
Minik avtomobillərinin idxalı 5 min 231 ədəddən (Yanvar 2022) 6 min 458 ədədə (Yanvar 2023), elektrik avtomobillərinin idxalı isə 13 ədəddən (Yanvar 2022) 119 ədədə (Yanvar 2023) yüksəlib. Beləliklə, elektrik avtomobillərinin idxalı 9 dəfədən çox artıb