Azərbaycana 6 aydır "Niva" gətirilmir - QİYMƏTİ BAHALAŞDI

Rusiyanın "Avtovaz" şirkəti bir sıra modellərinin, o cümlədən Azərbaycanda da populyar olan "Niva"ların qiymətini artırıb. 
"Niva Travel 2022"nin satışı - BAŞLAYIR - QİYMƏT
FED.az xəbər verir ki, müəssisənin açıqlamasına görə, bahalaşma həm "Lada Niva Travel", həm də klassik model olan "Niva Legend"i əhatə edir. 
"Lada Niva Travel"in qiyməti 1 milyon rublu keçib və artıq minimum qiymət 1014 min rubldur - bu təqribən 1300 dollar və ya 23 min manatdır. Bu modelin daha bahalı variantının qiyməti isə 1 236 min rubl və ya 28 min manatı keçib.
Azərbaycanda daha geniş yayılan variant "Niva Legend" isə 2,5-2,6% bahalaşaraq 822-902 min rubla – 11-12 min dollara çatıb. 
FED.az xəbər verir ki, avtomobillərin qiymətindəki bahalaşma özünü Azərbaycanda da göstərəcək. Bu barədə Azərbaycanda "Lada" avtomobillərinin rəsmi distribütoru olan "Xəzər Lada" ASC-dən bildirilib. Bununla yanaşı, şirkətdən qeyd edilib ki, 2022-ci ilin ortalarından indiyədək Rusiyadan Azərbaycana "Niva" avtomobillərinin gətirilməsi dayandırılıb. "Yeni avtomobillərin qarşıdakı bir neçə həftədən sonra gətiriləcəyini gözləyirik"-deyə şirkətdən bildiriblər. Hələlik yeni qiymətlər açıqlanmayıb, amma hələ ötən ilin ortalarında "Niva"lar Azərbaycanda 20 min manatdan satılırdı.