Azərbaycan şirkəti 3 anbarın tikintisi üçün Avropa Bankından 5,6 milyon avro kredit aldı

Avropa Yenidənqurma və İnkişaf Bankı (AYİB) sahəsi 24,000 kvadratmetr olacaq üç müasir və enerjiyə qənaət edən anbarın tikintisi üçün Azərbaycanın "Gemza Group" şirkətinə 5,6 milyon avro kredit ayırıb.
Marja xəbər verir ki, AYİB və "Gemza Group" arasında müqavilə imzalanıb.
İllik 12.99%-dən 40 000 AZN-dək zaminsiz komissiyasız kredit!
AYİB-in məlumatında bildirilir ki, kredit Azərbaycanda modern anbarların əlçatanlığını təmin etmək, ölkənin təchizat zəncirinin dayanıqlığını gücləndirmək və Orta Dəhliz (Transxəzər Beynəlxalq Nəqliyyat Marşrutu) boyunca anbar tutumu imkanlarını artırmaq üçün nəzərdə tutulub.
Həmçinin, müqavilə enerji xərclərini əhəmiyyətli dərəcədə azaltmaqla 1 MVt-a qədər elektrik enerjisi istehsalı məqsədi ilə həmin ərazidə günəş panellərinin quraşdırılmasını da əhatə edir.
"Gemza Group" Azərbaycanda mühəndislik, satınalma və təmir xidmətləri göstərən uğurlu yerli müəssisədir. Şirkət, Türkiyə, Birləşmiş Ərəb Əmirlikləri və bəzi Orta Asiya bazarlarında müştərilərlə işləyərək, öz müəssisəsində mexaniki avadanlıqlar üçün ehtiyat hissələri istehsal edir və təmir işləri aparır. / marja.az