Azərbaycan internetin sürətini artıra bildi – 2 pillə irəlilədik
Bu ilin avqust ayında Azərbaycan mobil internetin sürətinə görə 145 ölkə arasında 42.94 MB/S sürətlə 54-cü yerdə qərarlaşıb.
Banker.az bu barədə "Speedtest Global Index"in məlumatına əsasən xəbər verir ki, Azərbaycan iyul ayına nisbətən 2 pillə irəlliyib. Mobil internetin orta sürəti 42.94 MB/S olub ki, bu, əvvəlki ayın göstəricisindən 1.17 MB/S çoxdur.
Məlumatda bildirilir ki, Mobil internetin sürətinə görə birinci yeri Birləşmiş Ərəb Əmirlikləri (210.89 MB/S), sonuncu yeri isə Kuba (140-cı yer, 3.98 MB/S) tutub.
Azərbaycan sabit genişzolaqlı internetin orta sürətinə görə isə avqustda dünyada 120-ci yerdə qərarlaşıb. Bu isə əvvəlki ayla müqayisədə 3 pillə geriləmədir. Avqustda ölkədə sabit genişzolaqlı internetin orta sürəti 28.70 MB/S olub.
