Azərbaycan Gürcüstandan avtomobil idxalını - 2 DƏFƏYƏDƏK ARTIRIB
Gürcüstan 2023-cü ilin yanvar-may ayları ərzində Azərbaycana 189,18 milyon ABŞ dolları dəyərində 12 916 ədəd avtomobil ixrac edib.
Azərbaycan xaricdən avtomobil alışını artırıb
FED.az xəbər verir ki, bu barədə Gürcüstan Milli Statistika İdarəsinin ilkin hesablamalara əsasən təqdim etdiyi hesabatında qeyd olunub. Bildirilib ki, 2022-ci illə müqayisədə Azərbaycana ixrac edilən avtomobillərin dəyəri bu il 92,55 milyon dollar və ya 95,7%, sayı isə 1 239 ədəd və ya 10,6% çoxdur.
2022-ci ilin ilk beş ayı ərzində Gürcüstan Azərbaycana 96,63 mln. dollar dəyərində 11 677 ədəd avtomobil ixrac edib.
Cari il Gürcüstan ümumilikdə 1 mlrd. 15 mln. dollar dəyərində avtomobil ixrac edilib ki, bu da illik ifadədə 85,4% çoxdur. Bu il Gürcüstanın avtomobil ixracında Azərbaycanın payı təxminən 18% olub. Avtomobil ixracı Gürcüstanın ümumi ixracının 17,3%-ni təşkil edib. (Apa)
