Daş yunu

Tikinti işlərinə başlayanda ilk ağla gələn "Hansı material daha davamlı, daha izolyasiyaedici və uzunömürlüdür?" sualıdır. Cavab isə daş yunudur. Daş yunu vulkanik mənşəli süxurların yüksək temperaturda əridilərək lif halına gətirilməsi nəticəsində əldə edilən izolyasiya materialıdır. Adından da göründüyü kimi, daşdan yun alınır. Bu yun nə istilik keçirir, nə də yanır.
TEZBAZAR.AZ saytında bu məhsulun xüsusiyyətlərini, qiymətlərini və necə əldə edə biləcəyinizdən danışacağıq.

Daş yunu növləri

Saytımız müxtəlif sahələrdə istifadə üçün nəzərdə tutulmuş daş yunu məhsullarını təklif edir. Bu məhsullar arasında rulon tipli daş yunu, lövhə şəklində daş yunu və sənaye ilə dam örtükləri üçün xüsusi modellər yer alır.

Rulon tipli daş yunu

Rulon şəklində istehsal edilən daş yunu arakəsmə divarlar, mansard tipli damlar, asma tavanlar və havalandırma kanalları üçün nəzərdə tutulmuşdur. Bu modelin əsas üstünlükləri onun yüngül və elastik quruluşunda gizlənir. Bu sayədə daş yunu montaj zamanı asanlıqla kəsilir, bükülür və müxtəlif səthlərə rahat şəkildə tətbiq olunur.
Rulon daş yunu yüksək istilik izolyasiyası ilə yanaşı, eyni zamanda mükəmməl səs izolyasiyası da təmin edir. Həm yaşayış, həm də ictimai binalarda daxili komfortu artırmaq üçün mükəmməl həll yoludur. A1 yanğın davamlılıq sinfinə daxil olan bu material tamamilə yanmazdır. Bu isə onu təhlükəsizlik baxımından üstün edir. Digər tərəfdən, nəmişliyə qarşı dayanıqlıdır və zamanla forması pozulmur.

Lövhə şəklində daş yunu

Lövhə formasında olan daş yunu daha sərt və sıx quruluşa malikdir. Bu səbəbdən o, daha çox xarici divarlar, ventfasad sistemləri, döşəmələr və əsas daşıyıcı konstruksiyalarda istifadə olunur. Sıxlığı və möhkəmliyi sayəsində həm istilik, həm də səs izolyasiyası sahəsində yüksək performans göstərir.
Lövhə tipli daş yunu istər soyuq, istərsə də isti havalarda enerji itkilərini azaldaraq binanın enerjiyə qənaətini təmin edir. Xarici təsirlərə, nəmə və aşınmaya qarşı davamlı olması onu uzunömürlü və etibarlı izolyasiya materialına çevirir.

Sənaye və dam örtükləri üçün xüsusi modellər

Yüksək temperatur və sərt mühit şəraitində çalışan sənaye obyektləri, eləcə də müxtəlif dam örtükləri üçün nəzərdə tutulmuş xüsusi daş yunu modelləri mövcuddur. Bu məhsullar xüsusilə istiliyə və yanğına qarşı daha yüksək dayanıqlılıq göstəricilərinə malikdir.
Sənaye tipli daş yunu izolyasiyası enerji effektivliyini artırmaqla yanaşı, binanın ümumi izolyasiya qabiliyyətini gücləndirir. Qaz kəmərləri, qazanxanalar, boru xətləri və digər texniki obyektlərdə təhlükəsiz və dayanıqlı izolyasiya təmin etmək üçün əla seçimdir. Uzunmüddətli istifadəyə tam uyğun olan bu modellər, həm də istismarda sərfəli və baxımsız həll sayılır.
10 mm-dən 100 mm-ə qədər müxtəlif qalınlıqlarda modellər mövcuddur. Hansı hissəni izolyasiya edəcəyinizə görə seçim edə bilərsiniz.

Brend çeşidləri

Saytımızda istilik və səs izolyasiyasında yüksək keyfiyyət axtaranlar üçün müxtəlif növ daş yunu məhsulları satışdadır. Gəlin onlarla yaxından tanış olaq.

Texnonikol daş yunu

Texnonikol Rusiya istehsalı olan yüksək keyfiyyətli daş yunu məhsuludur. İstilik və səs izolyasiyasında mükəmməl nəticə verir. A1 sinfi yanğına davamlılıq göstəricisinə malikdir, yəni tam yanmaz materialdır. Sıx quruluşu sayəsində deformasiya olunmur və uzunmüddətli istifadə üçün əvəzsizdir. Nəmə, rütubətə və zərərverici təsirlərə qarşı davamlıdır. Fasad sistemləri, dam örtükləri, arakəsmə divarlar, döşəmələr və sənaye obyektlərində geniş şəkildə tətbiq olunur. Enerji səmərəliliyini artırır, binanı yayda sərin, qışda isti saxlayır. Uzunömürlü, ekoloji təmiz və montajı asan materialdır.

Falqalı daş yunu

Falqalı daş yunu üzəri alüminium folqa ilə örtülmüş xüsusi izolyasiya materialıdır. Bu folqa istiliyi əks etdirir, buxarın və nəmin keçməsinə mane olur və materialın daha davamlı qalmasını təmin edir. Əsasən yüksək temperaturlu mühitlərdə etibarlıdır. Daha çox qazanxanalarda, saunalarda, istilik borularında, sənaye tipli obyektlərdə və texniki otaqlarda istifadə olunur. İstilik və səs izolyasiyası yüksək səviyyədədir. Temperatur fərqlərinə qarşı davamlıdır, enerji itkisini minimuma endirir. Quraşdırılması asan, istifadəsi isə təhlükəsiz və sərfəlidir.

Knauf daş yunu

Knauf Almaniya istehsalı olan beynəlxalq standartlara cavab verən tanınmış brenddir. Onun istehsal etdiyi daş yunu məhsulları həm keyfiyyəti, həm də istifadə rahatlığı ilə fərqlənir. Yüngül, elastik və yüksək sıxlıqlı strukturu sayəsində müxtəlif tikinti sahələrində asanlıqla tətbiq edilir. İstilik və səs izolyasiyası göstəriciləri yüksəkdir. Tam yanğına davamlıdır, nəmişliyə və mikroorqanizmlərin yaranmasına qarşı dayanıqlıdır. Əsasən yaşayış və ofis binalarında, arakəsmə divarlarda, mansardlarda, asma tavanlarda və ventilyasiya sistemlərində istifadə olunur. Ekoloji cəhətdən təmizdir və insan sağlamlığına zərər vermir. Uzunmüddətli və etibarlı izolyasiya həllidir.

Qiymətlər və satış

Təklif etdiyimiz daş yunu məhsullarının qiymətləri materialın növünə, sıxlığına, qalınlığına və tətbiq sahəsinə görə təyin olunur. Texnonikol daş yunu məhsulları üçün qiymətlər 1 kvadrat metrə görə 5 AZN-dən başlayır. Rulon və lövhə formasında olan modellərin texniki göstəricilərinə uyğun olaraq qiymətlər fərqlidir. Falqalı daş yunu qiyməti isə 6–9 AZN aralığındadır. İstilik müqaviməti yüksək olan və xüsusi tətbiqlər üçün nəzərdə tutulmuş modellərin qiymətləri fərdi olaraq hesablanır. Knauf daş yunu məhsulları alman istehsalı olduğuna görə keyfiyyətlə yanaşı, qiymət göstəriciləri də nisbətən yüksəkdir. Bu məhsullar üzrə qiymətlər 1 kvadrat metr üçün 6 AZN-dən başlayır və modelə uyğun dəyişir. Topdan sifarişlər üçün xüsusi qiymət təklifləri, iri həcmlərdə isə əlavə endirimlər mövcuddur. Qiymətə əlavə olaraq daşınma, yükləmə və digər xidmətlər də sifariş əsasında hesablana bilər.

Satış şərtləri

Bütün məhsullar üzrə həm topdan, həm də pərakəndə satış mümkündür. Böyük həcmdə sifarişlər üçün xüsusi endirimlər və fərdi təkliflər təqdim olunur. Müştərinin istəyindən asılı olaraq məhsullar sifariş əsasında hazırlanaraq Bakı daxilində çatdırılır Digər tərəfdən, regionlara da göndəriş mümkündür. Çatdırılma xidmətimiz sürətli və razılaşdırılmış vaxtda həyata keçirilir. İstəyə uyğun olaraq, yükləmə və boşaltma, eləcə də anbar xidməti və məsləhət dəstəyi təklif olunur. Müştəriyə məhsulun qalınlığı, sıxlığı və tətbiq sahəsinə uyğun texniki məsləhət verilir. Daimi müştərilər və tikinti şirkətləri üçün xüsusi əməkdaşlıq şərtləri mövcuddur. Bütün məhsullar orijinal, sertifikatlı və keyfiyyət zəmanətli şəkildə təqdim olunur. Ödəniş nağd, köçürmə və ya razılaşma yolu ilə mümkündür.

Daş yununun üstünlükləri

Daş yunu materialı izolyasiya sahəsində ən çox seçilən məhsullardan biridir. Onun bir sıra mühüm texniki və funksional üstünlükləri var. Bu da həm fərdi evlərdə, həm çoxmərtəbəli binalarda, həm də sənaye obyektlərində geniş tətbiqinə səbəb olur. Daş yununun ən vacib üstünlüklərindən biri onun yüksək istilik izolyasiyası təmin etməsidir. Bu material qış aylarında daxildəki istiliyi saxlamağa, yay aylarında isə xarici istiliyin evə daxil olmasının qarşısını almağa kömək edir. Nəticədə enerji sərfiyyatı azalır və bu, həm komfortlu mühit, həm də aylıq kommunal xərclərdə qənaət deməkdir. Daş yunu yalnız istiliyi deyil, səsi də effektiv şəkildə izolyasiya edir. Xüsusilə şəhər içində yerləşən mənzillərdə və çoxmərtəbəli yaşayış binalarında xarici və qonşu səslərin qarşısını almaqda əvəzsizdir. Onun lifli quruluşu səsləri udaraq daha sakit və komfortlu yaşayış mühiti yaradır. Təhlükəsizlik hər zaman birinci yerdədir. Daş yunu tamamilə yanmaz materialdır və A1 sinfi yanğına davamlılıq göstəricisinə malikdir. Bu, o deməkdir ki, daş yunu yüksək temperatur təsiri altında belə alovlanmır və yanğının yayılmasına səbəb olmur. Bu xüsusiyyət onu xüsusilə elektrik avadanlıqlarının keçdiyi yerlərdə, çardaqlarda və sənaye obyektlərində ideal seçimə çevirir.

Daş yunu alarkən nələrə diqqət edilməlidir?

Daş yunu seçərkən yalnız qiymətə əsaslanmaq düzgün yanaşma deyil. Ən ucuz məhsul göründüyü qədər sərfəli olmaya bilər. Əsas diqqət edilməli olan məqamlar məhsulun keyfiyyəti, uyğun qalınlıq və tətbiq sahəsinə uyğunluğudur. Yanlış ölçüdə və keyfiyyətsiz daş yunu istifadə olunduqda nə istilik, nə də səs izolyasiyası effektiv alınmır. Nəticədə əlavə xərc və enerji itkisi baş verir. Seçiminiz həm funksional, həm də uzunmüddətli olmalıdır. Ən vacib məqamlardan biri məhsulun keyfiyyətidir. Keyfiyyətə əmin olmaq üçün ilk növbədə sertifikatlı məhsullara üstünlük verin. Sertifikat, daş yununun yanğına davamlılıq, istilik keçiriciliyi və səs izolyasiyası kimi əsas texniki göstəricilərə cavab verdiyini təsdiqləyir. Tanınmış və özünü sübut etmiş brendləri seçmək də etibarlı yoldur. Məsələn, Texnonikol, Knauf kimi istehsalçılar beynəlxalq standartlara uyğun məhsullar təqdim edir. Eyni zamanda, məhsulu aldığınız satıcıdan zəmanət tələb edin.
Daş yununun qalınlığı və sıxlığı onun tətbiq olunacağı sahəyə görə dəyişməlidir. Hər bir tikinti növü üçün tövsiyə edilən minimum qalınlıq göstəriciləri var. Məsələn, mansard tipli dam örtükləri və çardaqlar üçün 50 mm qalınlığında daş yunu kifayət edə bilər. Ancaq xarici divarlar, ventilyasiya sistemləri və səs izolyasiyası tələb edən konstruksiyalar üçün 100 mm və daha qalın məhsullar seçmək tövsiyə olunur. Qalınlıqla yanaşı, sıxlıq da vacib göstəricidir. Sıxlıq nə qədər yüksəkdirsə, material o qədər az deformasiyaya uğrayır. Daha yaxşı izolyasiya təmin edir. Tətbiq sahəsini düzgün müəyyən edib, ölçü və sıxlığı ona uyğun seçmək həm izolyasiya keyfiyyətini artırır, həm də əlavə xərclərin qarşısını alır.